CO TYDZIYŃ PO NASZYMU: Wartko idzie zawrzić werk, ale nowy odewrzić to ni ma tak lekobyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Ni ma tydnia, coby sie cosi w naszym mieście zaimawego nie podarziło i prziszeł zaś dzisio taki czas, coby to ukozać. Na Głymboki, kónsek za rynkym, kaj kiejsi stoł kiosek Ruchu, pore roków była tam dziura i rzodyn nie wiedzioł coby tam do ni wrazić. Kierysi sie jednakowóż nad nióm zlitowoł i zawiesił tam taki mały hamak, na kierym huśtały sie dziecka. Dłógo to jednakowóż nie wydzierżało, bo uż porem dni to leży potargane na ziymi. Kiery to rozraził tego nie wiym, ale isto zadłógo sie ty dziecka tam na tym kolybały i to nie wydzierżało. Żodyn też nie wyłoślił, że je to yno reklama i huśtani sie na tym ni mo powolynio. Leży to dzisio na tej sztucznej trowie i wygłóndo to jak stary sak na ryby. Co s tym dalij bydzie tego nie wiym, ale sie mi zdo, że jak każdo bezpańsko wiec nóndzie wartko nowego właściciela. S tym chledanim tego nowego właściciela majóm w naszym miescie ostude też rozmajte stare pochynióne chałupy. Dejmy na to na ulice Michejdy uż ze dwacet roków stoji ganc prózno chałupa po downych kartónarzach. Wszecko by było jak sie patrzi, bo tako staro chałupa dzisio żodnymu nie pasuje, ale czymu tam wisi do dzisia tabulka “ Cieszyńskie Zakłady Kartoniarskie” tego wubec żodyn nie poradzioł mi wyłoślić. Możne, że czako to na lepsze czasy, kiere do tej chałupy zaś przidóm i tusteloki zacznóm tam skłodać do kupy rozmajte papyndeklowe i papiórzane pudliczka. A możne też rozchodzi sie ło to, coby ta chałupa sama sie rozkraczyła, bo gdosi isto sie uż rychtuje, coby tam wartko jakakómsi nowóm Biedrónke, abo Lidla postawić. Mini słownik: Tóż miyjcie sie wszedcy dobrze i wiesiołego popióntku.
|
reklama
|
Dodaj komentarz