, niedziela 20 stycznia 2019
CO TYDZIYŃ PO NASZYMU: Uż wszecko je na tym świecie na sztróm
Felieton pt.: “Autobus na sztróm” – Fonia fot: FJD



Dodaj do Facebook

CO TYDZIYŃ PO NASZYMU: Uż wszecko je na tym świecie na sztróm

FJD
CO TYDZIYŃ PO NASZYMU: Uż wszecko je na tym świecie na sztróm

”...ta nowo galeryja...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Autobus na sztróm

No ji prziszeł tyn Nowy Rok, bo przeca ni mioł inszego wyndzynio. Na kóniec tego starego roku trefiło sie nóm eszcze porem zaimawych wiecy, ło kierych trzeja cosi napisać. W naszym mieście mómy isto ze trzi fitnesy, do kierych chodzóm tustelocy, kierzi w robocie yno siedzóm i dajóm swojim rynkóm i klepetóm pokuj. A takich dzisio je coroz wiyncyj, skyrs tego, że aji we biurach uż wszecko za nas robióm kómputry i żodyn sie nie musi ani po nic zgibać. Kiejsi to eszcze taki urzyndnik musioł chocioż roz do dnia stargać kartkem s kalyndorza, a w pyndziałek aji dwie. Dzisio jak tych kszeftów mómy tela, że nie do sie ich ani porachować, to skyrs tego fitnesy mogóm sbankrudzić, bo paniczki dziynnie potrzebujóm być we wszeckich. A coby to obegnać, to trzeja czasu i dziynka tymu trynowane sóm klepeta i rynce, kiere bydóm dźwigać pełne siaty rozmajtych wiecy. Ta nowo galeryja, eszcze przidała paniczkóm chodnika, bo żodno przeca nie minie takigo Aldika w kierym akurat w tym tydniu dajóm cosi łacnij. Szkoda yno, że sóm tam ruchóme schódki, na kierych sie stoji, a to stoci nie trynuje klepetów. Drugo wiec, kiero zrobila kapke uciechy tustelokóm, to je zielóny autobus na sztróm. Kiery eszcze nim nie jechoł to niech sie śpiycho, bo snoci łón je yno na prube i możne w każdej chwili zusać posłany do inszej dziedziny. Namowióm wszeckich, bo w postrzodku tego autobusa je jak w areoplanie. Fórt cosi w nim buczy tak jak w Airbusie, abo w Boeningu, kiery furgo we zwyżce ponad 10 kilometów. Bydzie to dobre dlo tych tusteloków, kierzi jeszcze nikaj nie lecieli, bo se bydóm mógli s darma tyn strach przetrynować.

Mini słownik:
zaimawe-interesujące,
pyndziałek-poniedziałek,
wieca-rzeczy,
isto-prawdopodobnie,
klepeta-nogi,
skyrs-z powodu,
żodyn-nikt,
kszeft-sklep,
łacnij-taniej,
kapke-trochę,
sztróm-prąd,
nikaj-nigdzie,
fórt-wciąż,

Tóż miyjcie se wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama