, poniedziałek 9 grudnia 2019
CO TYDZIYŃ PO NASZYMU: Regirowani rotuzym to je procno wiec
Felieton pt.: ”Stary puc “ - Fonia fot: FJD



Dodaj do Facebook

CO TYDZIYŃ PO NASZYMU: Regirowani rotuzym to je procno wiec

FJD
CO TYDZIYŃ PO NASZYMU: Regirowani rotuzym to je procno wiec

”...jak stary ruski puc”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Stary puc

Hałdamasz s wyborami sie skóńczył i idzie kapke pospóminać, jako to przed wyborami dziynnie kierysi inszy wisioł na tych samych tabulach. Rano wisioł jakisi panoczek, kiery był fotrym łod małej sikorki, a wieczór zaś jakisi kluk łod kocura. Jako sie to wszecko pogodziło tego nie wiym, ale dziynka tym wyboróm szło sie wywiedzieć, wiela to rozmajtego żywego stworzynio cisło sie do regirowanio rotuzym. To ni ma możne, że tak sie rozmajcie ludzie mianujóm i dziepro jak to je na plakacie i gdosi se to poczyto, to wszymnie, że taki miano hańdownij jego familiji kierysi wyszpekulyrowoł. Isto sie to wziyło łod tego, gdo kaj miyszkoł, co robił, abo jako wygłóndoł i potym nieskorzij aż do dzisia, to do nigo przilgło. Skyrs tego, dzisio ci co idóm wybiyrać, majóm lekcij spamiyntać ty ańfachowe miana i idzie im snadno stawiani krziżyka przi obranej persónie. Wszedcy uż wszecko isto o wyborach napisali i szkoda se tym delij zawracać głowem, bo uż to dzisio żodnymu nic nie pumoże. Nie wiym czy kiery widzioł jak pore dni przed tym, jak s naszego Cieszyna robili jakisikej stare ruski miasto, to rotuzowi chycili sie malowanio ściany kole dwiyrzi od rotuza. To trzeja było isto dłógo nad tym rozmyślać, coby prziś na to, że nowo żółto farba na ścianie bydzie wyglóndać jak stary ruski puc. To sie nie podarziło, bo na drugi dziyń rozmajci macherzi obkłodali ty ściany zmazanymi papyndeklami, coby szpece łod horeografiji poradzili łocyganić ludzi, że sóm my sto toków po zadku w jakimsikej starym pełnym ździorbów i marasu ruskim mieście.

Mini słownik: hałdamasz-zabawa, kapke-trochę, kierysi-ktoś, foter-ojciec, kluk- chłopiec, regirować-kierować, rotuz-ratusz, mianujóm-nazywają, wszymnie-zrozumie, kaj-gdzie, ańfachowe-zwykłe, dwiyrze-drzwi, puc-tynk, podarziło-udało, macher-fachowiec, ździorba-graty, papyndekiel-tektura, maras-brud.

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama