CO TYDZIYŃ PO NASZYMU: Patrziła by sie uż przeca jakosi prowdziwno atrakcyja naszymu miastubyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Fórt mómy latoś ostude s tóm zimóm, bo roz suje śniyg, a po drugi zaś to taje. Przesmolóne majóm to paniczki, bo nie wiedzóm jako sie oblyc coby pieknie wygłóndać, a przi tym nie przemar-znóć. Sóm dnie, co aji wiater tak fujo śniegym, że robióm sie na cestach zomiynty. Dzisio przy tej nowoczesności aji śniegowe pugi, jak jadóm to też na chodnikach robióm zomiynty, kiere nieskorzij tustelocy muszóm kansi odciepać. Pół biydy jak wedla chodnika je jakosi zogródka, ale jak zaroz je ściana, to nima ś nim razinko co zrobić. W mieście jakosi snadno idzie to skludzani śniega, bo isto sujóm tam solóm i tretuary sóm aji lecy kany bez śniega. Głymboko je łostatnio fórt sucho i możne tymu gdosi prziszeł na to, coby zaś cosi inkszego przirazić na tóm zalónkniónóm ściane wedle banku PKO. Je tam na ni osim fotografiji, kiere ukazujóm jak bydzie wyglóndało nasze miasto, jak wszecki chwolidła ze ścianów zustanóm ściepane. Ni mogym prziś na to, czy ni ma gańba tych ludzi, skyrs tego odrzitego pucu, kiery tam je wedla po łobu strónach tego plakatu. Uż w tym miejscu łóńskigo roku stoła tam ławka, a nieskorzij hamak, na kierym rozmajte gałgany lygały i piły piwo. Przed świyntami wraził tam kierysi taki strómek zrobióny s chrostów, kiery mioł aji gwiozdke na wyrszczku. Je to moc zaimawe, co tego roku i wiela razy zustanie tam eszcze wrażóne. Dobrze by tam było wrazić jakómsi ekstra atrakcyje, kiero by naganiała lufciorzy do Cieszyna. Nejlepszyj jak by tam stoł taki mały kluk, jakigo majóm belgiczanie we Brukseli, kiery by poradzioł tak samo ujszczywać jak to robi u nich. Mini słownik: fórt- stale, suje-sypie, oblyc-ubrać, fujo-dmnie, cesta-droga, zomiynt-zaspa, nieskorzij-późnej, odciepać-odrzucić, wedla-obok, snadno-szybko, kany-gdzieś, lecy kany- gdzieniegdzie, zalóńkniónóm-wklęsłą, chwolidło –reklama, ściepane-zrzucone, gańba-wstyd, lygały-kładły się, puc-tynk, strómek- drzewko, zaimawe-ciekawe, wrażóne-wetknięte, lufciorz-turysta, kluk-chłopczyk, ujszczywać-sikać Tóż miyjcie sie wszedcy dobrze i wiesiołego popióntku
|
reklama
|
Dodaj komentarz