CO TYDZIYŃ PO NASZYMU: Papiórzany talyrz to je dobry napad, bo jak je zmazany to nie trzeja go drzić kartaczymbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Kapke atrakcyji mieli my zaś w zeszłóm sobotem i niedzielem, bo kszefty były zawrzite, a tusteloki musiały kansi przeca cosi s tym czasym zrobić. Na rynku rozpostrziły sie rozmajte kszefty s wszelijakim jedzynim, kiere szło wciepać na ruszta zaroz wedla każdej tej pstrokatej budy. Szło tam dostać co yno gdo chcioł, a dlo dziecek była aji do kupiynio cukrzano wata. Nie wiym czy wszedcy ci co tam prziszli sie najedli, ale na zicher cosi uszporowali, bo nie było tam to taki drogi. Tak to uż dycki je, że jedzyni u takigo co mo gospode na kołach bydzie łacniejsze, bo nie płaci tela za wszecko co tyn, kiery najmuje u kogosi cudzego jakisi kónt. Łacniejsze też to je isto tymu, że każdy poradzi se siednóć z wórsztym w gorści przi stole pod gołym niebym i ni mieć starości ło to czy mu cosi kapnie na wyglancowane deliny. Jak dejmy na to obali sie nóm krygiel s piwym, abo jakómsi inszóm zodóm i limónadóm to też tego żodyn nie skludzo, bo to zaroz do ziymi sie straci i nima s tym ostudy. Tak czy inakszyj ci kszefciorze majóm dzisio miynij ostudy ze skludzanim rozmajtych zmazanych gorków i talyrzi po taki imprezie, bo ludzie jedzóm na papiórzanych tackach i pijóm s papiórzanych, abo pastikowych gorków. W sobotem do połednia jesi kiery sie plónd po cieszyńskich cestach to móg też uwidzieć piyntrowy czyrwióny autobus, kiery mioł wolant po prawej strónie. Nie wiym jako sie mu to podarziło przejechać telkowne kilometry s Londynu, ale isto wszecki tajle mo s porzóndnego zielaza i nic mu sie po ceście nie rozraziło, bo widać że cały dojechoł do naszego pieknego Cieszyna. Mini słownik: Tóż miyjcie sie wszedcy dobrze i wiesiołego popióntku
|
reklama
|
Dodaj komentarz