CO TYDZIYŃ PO NASZYMU: Opatrować cosi, abo kogosi to je dycki procno wiec ”...Woda niezdatna do picia”  ”...abo ji tam ni ma...” być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Ta łobiecano rzecz o tej naszej studni Trzóch Braci dzisio bydzie szła do przodku. Woda s waserlajtungu, kiero miała fórt tam ciyc dniym i nocóm, jakosi ni miała szczynścio sie tam dostać, bo tyn patynt ,kiery tym regiruje fórt nie funguje. Abo ciecze fórt i kansi sie w ziymi traci, abo ji tam ni ma, bo tyn róndajs kiery sie mo łotwiyrać i puszczać te wode je dycki zawrzity. Skyrs tego postawiyni przi tej studni tabulki na kierej je napisane: “ Woda niezdatna do picia” je ganc do śmiychu, bo kiery bydzie pił wode ,kierej tam nima ? Letnikorze i lufciorze na to fluchcóm, ale fórt ciepjóm do ni drobnioki, po kiere dycki tam sióngajóm ci co majóm łobie rynce wykryncóne do pola, bo je to po rynce, nónś nie utopióne we wodzie pinióndze. Wedla studni je cesta, kiero na zicher isto mo tela roków co cały stary Cieszyn i trzeja jóm przeca jakosi też opatrować. Ty kamiynie isto kiejsi przismyczóne tam zustały s Olzy i jedyn wedla drugigo pieknie połukłodane. Dzisio, jak pod tóm cestóm trzeja puścić jakómsi rułe, abo romajte ciynżki auciska ty kamiynie rozrażóm to nieskorzij uż żodyn nie poradzi, abo nie chce ich poukłodać, tak jak to kiejsi nasi starzicy robili. Lekciyj, je przeca drzisnóć tam kapke betónu s wopnym i tak to niechać. Skyrs tego zaproszóm wszeckich do przeszpacyrowanio sie po ulicy Trzóch Braci, coby połoglóndać ty biołe fleki, kiere szpecóm tóm ceste i historyjóm ni majóm nic społecznego. Mini słownik: waserlajtung- rura wodociągowa, fórt-ciągle, regiruje-kieruje, róndajs-patent, dycki-ciągle, skyrs- z powodu, ganc-całkiem, lufciorz-turysta, letnikorz-wczasowicz, fluchcóm-narzekają, przechópnóć-przeskoczyć, posztrajchowany-pomalowany, wiec-rzecz, cesta-droga, opatrować-opiekować, przismyczóne-przytaszczone, wedla-obok, rozrażóm-zniszczą, drzisnóć-chlapnąć, niechać-zostawić, fleki-plamy. Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
W zasadzie mogę powtórzyć mój komentarz pod art o Studni Trzech Braci. Studnia jak i droga, to po prostu wstyd. Zaniedbane od paru jak nie parunastu lat. Ogromny wstyd dla Burmistrza!
Łostatnio żech tu wyndrownika po starym Cieszynie skrytykowołi i isto sie łobraził bo nic nie rzeknół na to. Ciekawych je czy teroz tęz co teraz?
...te wapienne fleki widoczne są nie tylko przy Studni Trzech Braci ale i przy wjeździe do Cieszyna na rondach. Wyraźnie ten sam fachman wykonuje te naprawy, bo że ten sam dozór rodem z MZD nie ulega wątpliwości. Pogratulować fachowej wiedzy i doświadczenia nabytej jako zarządca.
Dodaj komentarz