, niedziela 16 czerwca 2019
CO TYDZIYŃ PO NASZYMU: Kiejsi sie skoli suło na cesty, a dziso do drócianych koszów
Felieton pt.: ” Piekne skoli”- Fonia fot: FJD



Dodaj do Facebook

CO TYDZIYŃ PO NASZYMU: Kiejsi sie skoli suło na cesty, a dziso do drócianych koszów

FJD
CO TYDZIYŃ PO NASZYMU: Kiejsi sie skoli suło na cesty, a dziso do drócianych koszów

”...na rynku we kszefcie...”


CO TYDZIYŃ PO NASZYMU: Kiejsi sie skoli suło na cesty, a dziso do drócianych koszów

”...s naszym “Prince Polo”

Szpacyrkym po Cieszynie
“Gdo sie za swój jynzyk wtydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Piekne skoli

Ni ma tydnia, coby nie szło cosi zaimawego uwidzieć na cestach naszego miasta. Dzisio zacznymy łod ulice Kochanowskigo na kierej urzyndniki s powiatu wyrychtowały se plac na stawiani swojich aucisków. Coby jednakowóż żodnymu nie pizło do czepni i ś niego zaroz nie prugowoł wjechać na cestem, postawili im tam s kamiyno murek, na kierym eszcze stojóm dróciane kosze z drobnym skolim. Nie wiym skyrs czymu stojóm tam ty kosze, bo przeca na tym murku szło by se zaprzić zadek, a tak trzeja stoć wedla niego. Ale to ni ma wszecko, bo ty kosze ni majóm dekli i to piekne skoli, co tam w nich je, uż sie pumału traci. Nie wiym czy ni ma też to darek dlo rozmajtych ożralców, kierzi dycki sóm narychtowani do jakisi bitki. To skoli, kiere tam w tych koszach je, ganc fajnie pasuje do gorści i yno czakać, jak kieregosi wieczora rozmajte ożrałe gałgany bydóm ciepać nim na siebie. Dostanie sie też isto autobusóm i autom, kiere fórt tam po tej ceście jeżdżóm. Tak to dycki je, jak tyn co cosi stawio za państwowe pinióndze, to może se też swoji rozmajte fanaberyje za darmo tam postawić. Zaś na Głymboki kansi sie stracił kszeft s naszym“Prince Polo”, bo isto tustelocy i insi lufciorze przestali u nich ty wafle kupować. Eszcze jak tam był kszeft s telefónami, to nikierzi isto po ceście jakisi bómbóny, abo wafle se kupili, ale jak łón sie wykludził to wszecko zawrzili. Telefóny sie teraz przeduje i sprawuje na rynku we kszefcie s rozmajtóm oblyczkóm. Tak czy inakszyj dzisio do kupy s telefónym, paniczki bydóm se mógły kupić jakisi szaty, taszke abo aji nowy mantel.

Mini słownik: zaimawe- ciekawe, cesta-droga, nie pizło-nie przyszło, czepań-głowa, skoli-robne kamienie, ożralec-pijak,dycki-ciągle, ganc-całkiem, ciepać-rzucać, fórt-stale, darek-podarunek, kansi-gdzieś, kszeft-sklep, lufciorze-turyści, do kupy-razem, bómbóny-cukierki, wykludził-wyprowadził, oblyczka-odzież, szaty-sukienki, mantel-płaszcz

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama