, środa 19 września 2018
CO TYDZIYŃ PO NASZYMU: Kiejsi budy stoły yno na łodpustach, a dzisio byle kaj
Ludzie fluchcóm fot: FJD



Dodaj do Facebook

CO TYDZIYŃ PO NASZYMU: Kiejsi budy stoły yno na łodpustach, a dzisio byle kaj

FJD
CO TYDZIYŃ PO NASZYMU: Kiejsi budy stoły yno na łodpustach, a dzisio byle kaj

”...postawili tam pore bud...”


CO TYDZIYŃ PO NASZYMU: Kiejsi budy stoły yno na łodpustach, a dzisio byle kaj

”...dwa chłapcy s Kóniokowa...”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”
"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"
POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Ludzie fluchcóm

S tym kszeftowanim w niedziele mómy dzisio samóm ostude. Ludzie uż sóm tak zbałuszóni, że nie wiedzóm se w d...e wrotu i gónióm po wszeckich kszteftach całóm sobote, a w niedziele przestali sie plyntać po cestach. Tak było w łostatnióm niedzieliczke, bo chocioż kszefty były odewrzite to to mało gdo prugowoł ich nawszczywić. Tacy my sóm jacysi wydziwoczani i dycki muszymy robić cosi naswol. Jak kszefty w niedzielem zawrzóm to ludzie fluchcóm, a jak ich odewrzóm to siedzóm dóma. Bardzo sie żodyn ani po rynku nie przesmrodzoł, chocioż jacysi kszefciorze postawili tam pore bud ze starymi ździorbami. Isto łóni se też przepómnieli, że to je ta niedziela kieróm dzisio sie mianuje handlowóm i tymu porozcióngali sie na rynku s tym charapucim. Moc tam wedla nich tustelokow ani lufciorzi sie nie plyntło, bo zocniejsi byli ci dwa chłapcy s Kóniokowa, kierych żodyn nie przeganioł, a grali – jedyn na taki maluśki trómpecie, a drugi na guzikówce. Łóńskigo roku ganc tacy sami dwa chłapcy w tym samym miejscu przeganiani byli przez rotuzowych szandarów i musieli sie brać ku chałupie, skyrs tego, że ni mieli żodnych papiórów na to grani. Ani też moc aucisków nie stoło na cestach i skyrs tego kapke wiyncyj było widać ty nasze pieknie opucowane cieszyński chałupy. Mómy też taki chałupy, kiere na pucu majóm rozmajte malunki, abo prziszrubowane chwolidła. Dejmy na to, tako chałupa wedla sóndu mo na ścianie taki wielki malunek na kierym sóm namolowane jakisi trzi baby w lufcie. Wszecki majóm na czepaniach koróny, a jedna, ta co ducho do trómpety mo aji chłopskóm brodem.

Mini słownik:
ostuda-kłopot,
zbałuszóni-zdezinformowani,
kszeft-sklep,
cesta-droga,
odewrzite-otwarte,
nawszywić-odwiedzić,
plyncie-pląta,
wydziwoczani-wystraszeni,
dycki-zawsze,
naswol-naumyślnie,
fluchcóm- narzekają,
lufciorz-turysta,
przesmrodzoł-wolno przechodził,
buda-stragan,
ździorba-graty,
charapuci-rupiecie,
wedla-obok,
łóńskigo-zeszłego,
rotuzowy szandar- strażnik miejski,
puc-tynk,
chwolidło-reklama,
luft-powietrze,
czepań-głowa,
duchać-dąć,

Tóż miyjcie sie wszedcy dobrze i wiesiołego popióntku.

Komentarze: (1)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Piyrsze słysze taki słowa jak 'kszeft' i kszefcić'. Za chłapca to żech słyszoł 'geszeft i geszefcić', tak że mi sie zdo, że tu cosi nie gro, chyba że na inszej dziedzinie już kapke inaczyj rzóndzili.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama