, środa 15 sierpnia 2018
CO TYDZIYŃ PO NASZYMU: Kiejsi aji takóm ekologicznóm przemysławke chłopi pili jak brakło im kwitu
Polotej brynym fot: FJD



Dodaj do Facebook

CO TYDZIYŃ PO NASZYMU: Kiejsi aji takóm ekologicznóm przemysławke chłopi pili jak brakło im kwitu

FJD
Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Polotej brynym

Taki je u nas zwyk, że łokna w każdej chałupie pucuje sie dycki przed Wielkanocóm, a w naszym cieszyńskim rotuzie tego roku kierysi zaspoł i dziepro sie im to podarziło trzi tydnie nieskorzij. Kiejsi łokna pucowało sie yno s postrzodka i żodyn po drabinie sie nie szkroboł, coby po wyrchu brać sie za pucowani. Żodnymu też kiejsi nie prziszło by do czepani, coby najóńć ekstra auto ze szpecyjalnym koszym w kierym stoł by chłop i drził po łoknach gumianom szkrobaczkóm. Hańdownij to yno paniczki miały przipisanóm tóm robotem, bo chłopi chodzili do werku coby zarobić pore groszy. Pucowani łokiyn to kiejsi była cało ekstra technologija, kieróm każdo paniczka dostała łod swoji mamulki, a nieskorzij nauczyła tego fachu swojóm cere. Jako by nie była na poczóntku ta technologija, to zawsze na kóniec nie szło sie obynś bez nejłacniejszej gazety polotej brynym. Kiery nie wiy co to był bryn to niech sie spyto posuniónych w rokach pijoków, a łóni możne eszcze do dzisia bydóm mieć jego szmak w gymbie. Dzisio na regale w każdym kszefcie stoji tela rozmajtych flaszek s przerozmajtymi wodziczkami do pucowanio łokiyn, że nie wiadómo kieróm kupić, bo każdo sie chwoli, że je nejlepszo. Dzisio je lekczyj pucować łokna, bo ni majóm tela fligli co kiejsi, a rómki majom plastikowe i żodyn maras sie na nich nie dzierży. Świat fort idzie do przodku i pucowani łokiyn też ni mógło zustać po zadku. Dzisiejsze łokno mo hrubsze i podwojne szyby, tóż też skyrs tego żodyn ni mo strachu, że go wypuczy i drze po nim wiela mo siły, bo na zicher nie zrobi se żodnej krziwdy.

Mini słownik:
zwyk-zwyczaj,
dycki-zawsze,
rotuz-ratusz,
dziepro- dopiero,
nieskorzij-później,
po wyrchu- z zewnątrz,
czepań-głowa,
drził-pocierał,
werk-fabryka,
cera-córka,
bryn- denaturat,
kszeft-sklep,
fligel-skrzydło okna,
maras-brud,
fórt-ciągle,
skyrs- z powodu,
wypuczy-wypcha,
na zicher- na pewno

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama