CO TYDZIYŃ PO NASZYMU: Jak to ruknie...być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" No ji zaś sie nóm trefiła zima s kierej jak słyszym żodyn ni ma zadowolóny. Nejsrandowniejsze je jednkowoż to, że zaś jak każdego roku wszedcy sie dziwujóm, że ta zima jednakowóż prziszła. Każdego roku przichodzi, ale wszedcy sie i tak dziwióm, że prziszła i to eszcze tak wartko. Latoś sie nóm podarziło s tóm galeryjóm “STELA”, bo jesi bydzie na polu szpatnie, to pudzie sie plyntać po kszeftach pod jednym dachym. To naprowde bydzie dlo tusteloków fajno wiec, coby sie pozbyć w jednym miejscu piniyndzy ze szrajtofli. Do tej galeryji pudzie wlyś trzyma dwiyrzami, coby se wszedcy wszymali, że za każdym razym wlazujóm do inszego kszeftu. Uż to widzym co sie tam bydzie robić w piyrszym tydniu, jak to odewrzóm. Jak to ruknie, to aji ty trzi dwiyrze mogóm nie wydzierżeć, bo przeca bratrzi Czesi też nóm isto w tym pumogóm. Za rok sie wszedcy skapnóm, że jedna galeryja dlo Cieszyna to je mało i dobrze by było uż dzisio chledać inszego gróntu pod budowe. Gorzij bydzie jak tak nie dej boże zawróm granicem i zustanymy s tymi kszeftami w rzici. Na Głymboki idzie uż słyszeć, że kszefciorze rychtujóm sie do zawiyranio swoich interesów, bo gdo sie bydzie szmatłoł po deszczu jak w galeryji wszecko bydzie mioł pod jednym dachym i ani paryzola nie zamoczo. Kiejsi uż my mieli takóm wygode pod “Jelynim” kaj pod jednym dachym była kawiarnia w kierej szło potańcować, gospoda w kierej szło dobrze pojeś, hotel w kierym szło sie przespać i taki bar ze zadku na kiery sie prawiło “Szwema”. Kómu to zawadzało, że to pozawiyrali tego nie wiym, ale do dzisia sie to nie pozbiyrało i fórt to je zawrzite. Mini słownik: Tóż miyjcie sie wszedcy dobrze i wiesiołego popióntku
|
reklama
|
Dodaj komentarz