CO TYDZIYŃ PO NASZYMU: Jak sie fórt do kogosi żgo to idzie wartko dostać fackebyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Uż porem dni stojóm na rynku taki papyndeklowe plakaty, na kierych idzie se połoglóndać naszych starzików, kierzi sto roków tymu wziyli sie za przegnani s naszej ziymi austryjoków, rusów i prusoków. Dobrze, że sie im to podarziło, bo dwacet roków nieskorzij mieli my spokój i żodyn nie przemaszyrowoł uż przez naszóm ziym. Kapke jednakowóż mielimy ostudy s Czechami, kierzi pore roków eszcze do nas żgali i byli tak dociyrni, że we styczniu dewatnostego roku uż jejch wojocy stoli przi Wiśle we Skoczowie. Jedni do dzisia lutujóm , że my ich tam stela niepotrzebnie przegnali spadki za Olzem, bo cały socjalizm mielibymy cytróny i pomerańcze w kszeftach. Dzisio uż ło tym żodyn nie pamiynto, bo granice odewrzili i wszedcy szpacyrujóm przez nie tam a spadki. Chocioż jak sie tak dobrze przizdrzić to Czechów je dzisio porem razy wiyncyj u nas niż naszych u nich. Całe szczynści, że nie sóm to jejich wojocy, a yno całe familije s dzieckami, kiere przichodzóm do nas na “nakup”. Nikierzi prawióm, że udowo sie tustelokóm przedać tym Czechóm przeogrómnóm kupe rozmajtego toworu i jak by dzisio zawrzili spadki granice to prawie wszecki kszefty w Cieszynie by zbankruciły. Eszcze prziszeł mi do czepani taki napad, że trzeja by też kiejsi postawić taki same papyndekle s gymbami łod tych ludzi co zaprzepaścili tóm naszóm wolność i przedali sie inszym za rozmajte profity. Niech dziecka też wiedzóm, że takich było moc, co yny chcieli mieć sie dobrze i skyrs tego było im ganc jednio w jakim państwie bydóm miyszkać. Mini słownik: Tóż miyjcie sie wszedcy dobrze i wiesiołego popióntku
|
reklama
|
Dodaj komentarz