CO TYDZIYŃ PO NASZYMU: Faszyrka s zimiokami dzisio uż żodnymu nie szmakujebyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Pod nomerym trzicatym na Mynniczej je pizzeryja, kiero samo o sobie pisze,że je nejlepszo w naszym Cieszynie. Jako łoni prziszli na to, że sóm nejlepsi tego nie wiym, ale w dzisiejszych czasach jak każdy się chwoli co to nie poradzi, to łóni też tak samo zrobili co insi i ni móm im to za złe. Mało gdo isto wiy, że łóni poradzóm wóm przyrychtować pizze na piyńć a sztyrycet recepisów, bo ta pizza to je taki jedzyni, kiere ty rozmajte miana mo łod tego czym je po wyrchu polote i posute. Tustelocy na zicher wiedzóm, kiero pizzeryja w naszym mieście je najlepszo, bo isto uż we wszeckich byli i poprógowali u nich tego italiańskigo jedzynio. Kónsek dalij we dwiyrzach idzie trefić na wszecki wieca, kiere przidajne sóm dzisiejszym fryzyjeróm do strziganio, kolbowanio i farbowanio wszelijakich szkutów. Przi tym idzie też u nich dostać insze wieca przidajne do malowanio i obstrzigowanio pazurów, bez kierych dzisio żodno paniczka sie ni może obynś. Kapke wyżyj idzie trefić na bardzo pieknóm chałupe, kiero ni mo pucu jaki majóm wedla ni inksze chałupy, bo je obłożóno świycóncym marmurym. Dłógi miesiónce, a możne uż aji roki ni ma tam w ni żodnego kszeftu i ani tam żodyn tam nie miyszko, bo isto najyńci tej chałupy je za drogi. Wisi tam na ni bioło płachta, kiero namowio nas do najyńcio se tej chałupy, ale ś ni nie idzie sie skapować, czy rozchodzi sie ło całóm czy yno o sóm dół na jakisi kszeft. Posunióni w rokach tustelocy na zicher wiedzóm, że te chałupe tak pieknie zrychtowała dlo siebie tako starszo paniczka, kiero dłógi roki na targu przedowała jabka i dlo ludzi była takóm panióm jabuszko. Mini slownik: Tóż miyjcie sie wszecy dobrze i wiesiołego popióntku
|
reklama
|
Dodaj komentarz