, sobota 18 sierpnia 2018
CO TYDZIYŃ PO NASZYMU: Dzisio zesieczóno trowa wedla cesty, godzi sie yno do wyciepanio
”Wiater prziżynie” fot: FJD



Dodaj do Facebook

CO TYDZIYŃ PO NASZYMU: Dzisio zesieczóno trowa wedla cesty, godzi sie yno do wyciepanio

FJD
CO TYDZIYŃ PO NASZYMU: Dzisio zesieczóno trowa wedla cesty, godzi sie yno do wyciepanio

”...na postrzodku parkingu”

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Wiater prziżynie

Coby cosi zaimawego uwidzieć, trzeja sie po Cieszynie przeszpacyrować i to nejlepszyj w porzóndnych bótkach ze skorzanóm zolóm i rownych krómflekach. Tak żech też zrobił i w porzóndnych bótkach przeszpacyrowołech sie aże ku starymu motelu. Nie wiym jak downo, ale sie mi zdo, że isto ze dwa roki tymu, kierysi prziszeł na to, coby ty cesty ku Goleszowu i ku Skoczowu jakosi inakszyj zrychtować. Skyrs tego też isto na samym postrzodku postawili tam taki czyrwióno-biołe kolce, kiere udowo róndo. Cesta naopkoło niego mo dziure na dziurze, a ku tymu je to eszcze szure i w postrzodku mo trownik. Żodyn tam tego nie siecze, bo je to daleko łod rotuza i trowa bez ostudy rośnie se tam prosto ku niebu. Za porem miesiyncy jak to żodyn nie wysiecze to ta trowa bydzie uż miała isto takóm zwyżke, że auta kiere tam jeżdżóm doopkoła nie bydóm sie wubec widzieć. Nieskorzij s tych strómów, kiere tam wedla tego rónda rosnóm wiater prziżynie jejich nasiyni i na zicher za porem roków urośnie tam gojka. I to sie nazywo naprowde ekologija, bo samo sie zasieje, samo urośnie i samo kiejsi skapnie jak nie wydzierży tego smrodu łod autowych auspufów. Jak to ludzie prawióm, prowizorka dycki niejdelij wydzier-ży i też tymu tyn niesieczóny trownik, kiery tam je w postrzodku bydzie isto kiejsi turystycznóm atrakcyjóm. To dzisio ni ma wszecko s tych cestowych atrakcyji, bo jak kierysi se bydzie chcioł stanóć ze swojim auciskym wedla Biedrónki na Filasiewicza to uwidzi tam postawiónóm budke trafo ganc na postrzodku parkingu.

Mini słownik:
zola-podeszfa,
krómflek-obcas,
cesta-droga,
zrychtować-urządzić,
gojka-zagajnik,
szure-krzywe,
rotuz- ratusz,
auspuf-rura wydechowa,
ostuda-kłopot,
zwyżka-wysokość,
stróm-drzewo,
skapnie-zginie,
dycki-zawsze,
ganc-całkiem

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama