CO TYDZIYŃ PO NASZYMU: Dzisio kómusi cosi dać zdarma, to łopowogabyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" U zaś my sóm po zadku za Czechami aji w czytaniu ksiónżek. Na takim małym torgu w Czeskim Cieszynie na prociw PZKO stoji panoczek, kiery zdarma rozdowo ksiónżki. Sóm to ganc nowe egzymparze przez żodnego nie czytane i czuć ich eszcze świyżóm farbom. Jako łoni to robióm, że stać ich na to rozdowani ganc nowych ksiónżek tego nie wiym, ale tyn panoczek mi to wyłoślił, że im to zbywo. Mioł też aji polski ksiónżki w takim mjynszej taszce i dwie mi doł. Po naszej strónie Olzy też kierysi pruguje rozdować tustelokóm stare ksiónżki, aże we dwóch miejscach. Jedno to je przed biblijotekóm na Głymboki, a drugi na Sejmowej przed “Kornelym”. Je tam kapke pochyniónych ksiónżek, ale nikaj nie pisze, że łóne sóm zdarma i ludziska chodzóm kolem tego jak kocur kolem szpyrki. Nie wiym czy to idzie weznóć, czy yno stanóć wedla tych tych geszteli i czytać se ty ksiónżki na świyżym lufcie. Taki to je dycki u nas, że nic nie poradzymy dać do porzóndku i nieskorzij je yno s tym ostuda. Możne, że gdo wiy, czy ty ksiónżki idzie se weznóć, czy yno czytać ? Zaś na Limanowkigo wedla Straży Miejski ciepła mi sie na łoczy tako prowdziwno cestowo nowinka. Kiejsi tam na tym placu stoła buda s rozmajtymi godzinkami i możne, że zbankruciła, bo uż ji tam ni ma. Jak ta buda zustała tam stela wykludzóno to zaroz znaszły se tam plac rozmajte auciska. I podziwejcie sie co sie nieskorzij stało. Zamias postawć szyld ze zakazym stocio, to kierysi mioł taki napad, coby tam zasioć trowe i łogrodzić to drótym. Możne, że uż od dzisia wszecki taki place w Cieszynie bydóm obsiywane trowóm i nie trzeja bydzie stawiać żodnych cestowych szyldów Mini słownik: po zadku-z tyłu, ganc-całkiem, wyłoślił-wytłumaczył, taszka-torba, kierysi-ktoś, kapke-trochę, wedla-obok, luft-powietrze, dycki-zawsze, buda-kiosk, ostuda-kłopot, cesta-droga, godzinki-zegarki, nieskorzij-później, napad-pomysł, wykludzóny-wyprowadzony. Tóż miyjcie sie wszedcy dobrze i wiesiołego popióntku
|
reklama
|
Dodaj komentarz