CO TYDZIYŃ PO NASZYMU: Dróty ze sztrómym na kónorach to ni ma dobry napadbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Nie wiym jak to dzisio napisać ło tym szurym drzewie na Korfantego, bo taki indywiduum przirodniczo- elektryczne, to je naprowde cosi do obezdrzynio. Jak to je możne, że to taki dziwolóng sie do dzisia udzierżoł i żodyn nie prziszeł na to, coby to ober-znóć. Dziynnie przeca tam pod nim szpacyruje strasznie moc ludzi, a po ceście to na zicher isto s jedyn tysiónc aut tam a haw przejedzie. Mało, że tyn nejwiynkszy kónor w każdej chwili może krzapnóć i zhóczeć na ludzi, to mo tam eszcze miyndzy gałynziami rozmajte dróty ze sztrómym. Możne, że to je jakisikej ekszperymynt naszych elektrykorzi, kierzi ty dróty pomiyndzy tymi kónorami porozcióngali. Możne, że było to ganc inakszyj i nejprzód stoł tam tyn szury słup, a nieskorzij dziepro, kierysi posadził to drzewo, kiere naopkoło ty dróty swojimi kónorami oplyntło. Tak czy inakszyj był by uż czas, coby s tym zrobić porzóndek, zakiel to drzewo żodnego nie prziwali i żodnymu nie zrobi krziwdy. Pore tydni tymu jak żech napisoł o szurym i skrymbiałym słupie na Hażlaski, to do tydnia zrobili ś nim porzóndek i dali tam nowe zieleźne objymy. Nie podarziło mi sie jednakowóż mojim pisanim zrychtować tej szurej lampy na Starym Torgu, kiero do dzisia szpeci ściane Izby Cieszyńskich Mistrzów. Wygłóndo na to, że uż w Cieszynie ni ma żodnego majstra, kiery by te lampe zrychtowoł, bo wszedcy uż przeszli do historyji i wiszóm w rómkach na ścianach w tym maluśkim muzeum. Mini słownik: szury-pochyły, obezdrzić-obejrzeć, żodyn-nikt, cesta-droga, na zicher-na pewno, isto-pewnie, tam a haw-tam i z powrotem, krzapnóć-pęknąć, sztróm-prąd, ganc-całkiem, zakiel-gdy, skrymbiały-przegnity, podarziło-udało się, zrychtować-naprawić, Tóż mjyjcie sie wszedcy dobrze i wiesiołego popióntku
|
reklama
|
Dodaj komentarz