CO TYDZIYŃ PO NASZYMU: Papiórzany zygor tabula na ścianie rotuza..., fot. JFD  tu je jakosi "Kosmeteria", fto. JFD  kszeft s bótkami mianuje sie "Wojas", fot. JFD POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Je mi dzisio luto, że eszcze sie roz muszymy curiknóć aże ku poczcie, skyrs tego placu na kierym szoferzi stawiajóm auta. Rozchodzi sie ło to, że łostatnio urzyndniki s rotuza dali powolyni na stowani autobusa przed kszeftym s Francyje, kiery mianuje sie”Intermarche”, a do dzisia przed Polską Pocztą stanóć żodyn tustelok ni może. Łóni dobrze wiedzom, że idzie to od rynki zarzóndzić, coby tustelocy, kierzi na chwiliczkem chcieliby do ni wlyś, nie byli przeganiani przez miastowych wachtyrzi. Jedyn s urzyndników dostoł ody mie taki papiórzany zygor, kiery szofer mo wrazić za szybe we swojim aucie i stoć na ceście bez starości do pół godziny.Je tak przed pocztom w Czeskim Cieszynie i stykło by yno to odgapić łod Czechów. Czymu tego nie robióm tego nie wim, ale isto byłaby to dlo nich gańba, że kierysi je łod nich móndrzejszy.Teraz uż przyndymy aże pod rotuz i Głymbokóm na dół. Ale eszcze po ceście chynyła mi sie na łoczy tabula na ścianie rotuza na kierej stoji, że idzie s darma wlyś do interneta. Iś idzie, ale je tam taki słabe goniyni tych fal w lufcie, że niekierzi prawióm, coby dać se s tym pokuj. Kapke dalej je jakosi “Kosmeteria” i kszeft s bótami co go kiejsi tam nie było. Tyn kszeft s bótkami mianuje sie “Wojas”, ale przez auzlage nie widać tam żodnych bótków dlo wojoków ani dlo gojnych. Łobsoł sie yno kszeft PSS-u s kanapkami do kierych jak hańdownij wrażowane som heringi. Do dzisia nie wiym skyrs czymu cieszyniocy dostali takom chyńć do tych ryb jak łóne idzie chycić jyno w naszym morzu Bałyckim, a w Olzie ich przeca nima. Mini słownik: Tóż miyjcie sie wszedcy dobrze i wiesiołego popióntku "Papiórzany zygor":
|
reklama
|
|
Dodaj komentarz