CO TYDZIYŃ PO NASZYMU: Aż dziw biere, że harynek uż prawie szlagnył naszóm zielónóm cieszyniónkejakisi francuski "Boutiqe"... normalnie pisze sie po polsku "Butik" ty znaki na zieleźnych rułkach sie tam pomiyniały... pomiyndzy nimi je kónsek placu... POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. Jak uż my pojedli tej kanapki s harynkym to mogymy sie rozglóndnóć co dalij sie pomiyniało na ulicy Głymbokij. A pomiyniało sie tego fest w tym kszefcie, co kiejsi był takóm kosmetycznóm drogeryjóm. Dzisio przechrzczony je na jakisi francuski”Boutique”, bo isto łod niego sklepikorz przijechoł s Francyje. Nie wiym co go ponukło, ale isto przepómnioł, że uż je w Cieszynie, a tu u nas sie to przeca inakszyj pisze. Widać to zaroz kónsek dalij, kaj je ganc taki sóm kszeft, kiery uż normalnie pisze sie po polsku “Butik”. Pomiyndzy nimi je kónsek placu na kierym poradzóm stować yno autobusy, kiere zawożóm ludzi na kierchów. Inksi szoferzi muszóm rachwać sie ze sztrafym jak tam dejmy na to chcóm na chwiliczkem stanóć,coby w kościele św. Magdaleny jakómsi zdrowaśke porzykać. Chocioż jak pamiyntóm to uż isto s dziesiónty roz ty znaki na zieleźnych rułkach sie tam pomiyniały i gdo ich dziynnie od nowa nie czyto, to może mieć ostude s miastowymi wachtyrzami. Wygoda też uż dopadła tusteloków i jakby szło to by do kościoła niekierzi chcieli wjechać możne aji swojim autym, a potym ani ś niego wubec nie wylazować. Aż dziw biere, że eszcze żodyn nie prziszeł na to, coby taki kościoły postawić do kierych szło by wjechać ze swojim auciskym. Kiejsi były taki kina w Ameryce do kierych ludzie wjyżdżali autami i siedzili w nich przez całe seanse kinowe. Musiała to być fest wygoda, bo w kinach sóm przeca rozmajte zica, kiere nikiedy gnietóm w zadek, a jak przijedzie sie ze swojim autym, to te ostude s siedzynim mo sie uż po zadku. Mini słownik: Tóż miyjcie sie wszedcy dobrze i wiesiołego popióntku Dzisiejszy tekst ma tytuł "Zdrowaśke porzykać":
|
reklama
|
Dodaj komentarz