, środa 19 września 2018
CO TYDZIYŃ PO NASZYMU: Łostuda to je tako wiec, że sie ji nie idzie pozbyć
Chyrlawe tusteloki fot: FJD



Dodaj do Facebook

CO TYDZIYŃ PO NASZYMU: Łostuda to je tako wiec, że sie ji nie idzie pozbyć

FJD
CO TYDZIYŃ PO NASZYMU: Łostuda to je tako wiec, że sie ji nie idzie pozbyć

...szyld łod brateferyji


CO TYDZIYŃ PO NASZYMU: Łostuda to je tako wiec, że sie ji nie idzie pozbyć

...tej różowej chałupy...

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Chyrlawe tusteloki

Jakosi ni może sie na dobre odcieplić chocioż w kalyndorzu uż je wiosna i tego skokanio kryski na termometrze to ani kóń by przeca nie wydzierżoł, a co dziepro my chyrlawe tusteloki. S kóniami uż dziśka ni mómy łostudy, bo zwekslowali my to na traktory, kiere ani ze słóńca, ani z mrozu ni majóm stracha, a ku tymu eszcze jak stojóm to nie trzeja ich futrować. Je jednakowóż nadzieja, że uż latoś śniegym nie bydzie fujało i skyrs tego bydymy szpacyrować dalij po ulice Michejdy. Zeszły tydziyń była rzecz o “przepiynknej” urodzie ulice Kluckigo i coby zaroz jak pujdymy ku wyrchu ni mieć w łoczach kónska modernej Europy, to kierysi te chałupe za winklym do dzisia nie opucowoł. Isto to je tak niechane skyrs tego, coby pumaluśku łoczy se przirychtować do łoglóndanio tej różowej chałupy, kiero stoji kónsek dalij. Jak sie nóm uż to podarzi to eszcze jak pokroczymy tych porem metrów dalij idzie uwidzieć jakisi pochynióny szyld łod bratyfiteryji. Tak se myślym, że kierysi sbankrucił na kszefcie , kiery mioł we starości przipasowywani lajbików naszym paniczkóm. Możne, że dzisio jak mómy wszelijakóm oblyczke uszytóm s gumianego sztofu to łóna sie przipasuje na każdego tusteloka i nie trzeja mieć inszego kroja dlo każdej figury. To samo przeca mómy dzisio s galatami, fuseklami, myckami i bóg wiy eszcze s czym, bo ze sztofu s gumianóm nicióm wszecko je dzisio uszyte. Podziwejcie sie jaki dzisio galaty przilepióne do ciała majóm obleczóne wszecki baby i chłopi. Kiejsi, coby taki wónski galaty naździoć na siebie, to każdo nogawica musiała mieć na spodku knefle, abo rajfeszlus.

Mini słownik:
wydzierżoł-wytrzymał,
łostuda-kłopot,
fujało-wiało,
skyrs- z powodu,
była rzecz-była mowa,
niechane-zostawione,
kónsek- kawałek,
opucowoł-otynkował,
lajbik- biustonosz,
fusekla-skarpetka,
knefel-guzik,
rajfeszlus- suwak.

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama