COTYDZIYŃ PO NASZYMU: Pojczać pinióndze dzisio idzie wartko, gorzij to je nieskorzij wracaćbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Pore kroków stykło przynś sie po Starym Targu, coby uwidzieć, że zaś kierysi namowio nas do pojczanio se piniyndzy. I chcóm nóm wartko ty pinióndze dać do gorści, coby rychlij szło ich udać. Nie wiym czy to dzisio tak idzie dzierżeć pinióndze dóma i ni mieć żodnej na nie pożóndnej zielaznej kasy, bo przeca żodyn tam do nich po dwacet złotych nie przichodzi. Fakt, że je to fest zaimawe kaj dzierżóm ty pinióndze, bo dwiyrze, kiere do nich kludzóm ni majóm ani żodnej porzóndnej kraty. Fórt to jakosi ni mogym wyrozumieć, że gdosi mo taki kszeft co udwo bank i fórt inkszym ludzióm pojczuje pinióndze. Kiejsi to było tak, że jedni ludzie przinoszali do banku pinióndze, a drudzy ty same yno możne w inkszych ditkach pojczowali. Każdy cosi na tym chycił i wszedcy byli radzi, że zrobili dobry kszeft i straty nie było żodnej. Taki mómy dzisio czasy,że każdy by wszecko chcioł mieć zaroz i szporowanio żodym ni mo w czepani. Kiejsi jak człowiek chcioł dejmy na to kupić se radijo, abo drokszy ancug nejprzód naszporowoł piniyndzy, a dziepro nieskorzij sie rozglóndoł za kszeftym, w kierym idzie cosi łacnij kupić. Jak uż tak s pełnóm taszkóm piniyndzy podarzi sie jakisikej paniczce wylyź łod nich, to zaroz mo przileżytoś udać ty grosze w salónie fryzjerskim. Nie wiym wiela dzisio kosztujóm taki waserwele na głowie, ale isto łacne to ni ma. Dzisio moda s włosiskami tak żynie do przodku, że coby być modernie ostrziganym i wykolbowanym trzeja isto roz do tydnia meldować sie u golibrody. To ni ma jednakowóż wszecko za co tam u uch idzie niechać pinóndze, bo za auslagóm je kartka na kierej pisze “Salon kosmetyczny” w kierym na zicher cieszyński paniczki mogóm se dać wybiglować fołdy na licach. Mini słownik: Tóż miyjcie sie wszedcy dobrze i wiesiołgo popióntku
|
reklama
|
Dodaj komentarz