, piątek 29 marca 2024
CO TYDZIYŃ PO NASZYMU: Zybrzidowicko "Syrena"
"... jedyn z dortami i inkszymi maszketami a drugi s lóntami". fot: Ewelina Szuścik



Dodaj do Facebook

CO TYDZIYŃ PO NASZYMU: Zybrzidowicko "Syrena"

EWELINA SZUŚCIK
CO TYDZIYŃ PO NASZYMU: Zybrzidowicko "Syrena"

"Kiesi w tej chałpie była zocno wiec: kino". fot. Ewelina Szuścik


CO TYDZIYŃ PO NASZYMU: Zybrzidowicko "Syrena"

"... o starym kinie szrajbli yny na zastawce autobusowej". fot. Ewelina Szuścik

"Gdo sie za swój jynzyk wstydzi takim niech sie każdy brzidzi".

Dziś ostatnia sobota grudnia, zatem zgodnie z zapowiedzią, po Zebrzydowicach spacerujemy dziś z Eweliną Szuścik - poetką, miłośniczką gwary.

Przyndymy sie po dziedzinie

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

3D Nie było ale dycki było zaimawe!

Przi głównej ceście, po lewej trónie za "Pass Hotel" w stróne Jastrzymbio, mómy takóm odropanóm chałpe w kierej dzisio sóm dwa kszefty jedyn z dortami i inkszymi maszketami a drugi s lóntami. Kiesi w tej chałpie była zocno wiec: kino. Ja, mieli my w Zybrzidowicach cosikej, czego ni miały nawet ponikiere miasta a my mieli i to na dziedzinie! Bezmała uż w roku trzicatym w gospodzie panoczka Franciszka Siwka otworzili piyrsze kino w dziedzinie, kiere 3D nie było ale dycki było zaimawe, a w sali kaj wyświetlane były filmy od czasu do czasu aji dziecka wystympowały swóli Jasełek abo inkszych uroczystości. Telewizor mioł we chałpie mało gdo tuż był to szpas móc iś do kina. W czasach kie wojna wlazowała wszyndzi aji do Zybrzidowic, w kinie kiere było miejscym co zjednywało ludzi wyświetlali filmy kierych żodyn ni mioł chynci oglóndać... Po wojnie go zrychtowali, smianowali "Syrena" i w pindziesióntym szóstym roku uzaś tusteloki mógły oglóndać szumne filmy, dziecka bojki aji rechtory prziwiyrali oczy na to kie dziecka szły do kina na lekture obowiónzkowóm zamiast czytać ksiónżke. O tym co poleci w Zybrzidowickim kinie pisali aji w "Głosie Ziymi Cieszyńskij" przez czas jego świetności a po tym w dziewiyńdziesióntym roku szrajbli tak: Kino w Zybrzidowicach zawrzite. Od tego czasu moc wody upłynyło w Pietrówce i mocka też zmiyniło sie samo kino możne i na lepsze, bo dzisio w kinie dowajóm szumne bryle i kie sie oglóndo film człowiek sie czuje jak, by do postrzodka tego filmu wloz. Dzisio ni mómy uż kina w Zybrzidowicach, a po nim zóstała szpatno, odropano chałpa i pamiynć o jego żywobyciu, możne tymu, że kożdy mo uż we chałpie telewizor a człowiek utropióny po szychcie woli se siednyć przed telewizorym niż lotać do kina. Jo jednako móm jaksióm nadzieje, że kiesi se gdosi wszymnie jak hańdowni panoczek Siwek i odewrze w Zybrzidowicach nowe kino abo możne chocioż gdosi fundnie jakóm tabulke s informacyjóm o tym co kiesi w tej chałpie było, bo puki co o starym kinie szrajbli yny na zastawce autobusowej.

  • cesta - droga,
  • kszeft - interes,
  • dorta - tort,
  • lónty - ubrania,
  • wlazować - wchodzić,
  • szpas - uciecha,
  • uzaś - znowu,
  • tusteloki - miejscowi,
  • rechtory - nauczyciele,
  • bryle - okulary,
  • zawrzić - zamknąć,
  • mocka - dużo,
  • szpatne - brzydkie,
  • utropić sie - zmęczyć się,
  • żywobyci - życie, żywot,
  • gdosi - ktoś,
  • wszymnyć - pomyśleć,
  • tabulka - tablica,
  • zastawka autobusowo - przystanek autobusowy

    Mjyjcie sie wszedcy dobrze i wiesiołego 2014 roku!

    Dzisio Wóm zaś przeczytóm cosi od siebie a je to opowiadani "Gdo wierzi w powiarki"

  • Komentarze: (1)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Witóm pieknie przi tych świyntach! Cieszym sie że zaś Paniczka fajnie napisała po naszymu ,chcioł bych se poczytać wiyncyj takich tekstów w gwarze yny na papiyrze bo do komputera móm biyde sie dociś skuli mojich wnuków kiere fórt przed nim siedzóm a i oczy mie bolóm też od niego. Napiszcie mi kaj bych se móg kupić abo pojczać do poczytanio wiersze i opowiadania od tej Pani Szuścik. Panoczku Andrzeju jako tam u Was po świyntach a przed Nowym Rokiem, po strónie Czeskij?

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama