, czwartek 28 marca 2024
CO TYDZIYN PO NASZYMU: Zowiść to je szpatno wiec, kiero ludzi dycki przikludzi do krawalu
Nikiere aji poczytać fot: FJD



Dodaj do Facebook

CO TYDZIYN PO NASZYMU: Zowiść to je szpatno wiec, kiero ludzi dycki przikludzi do krawalu

FJD
CO TYDZIYN PO NASZYMU: Zowiść to je szpatno wiec, kiero ludzi dycki przikludzi do krawalu

...Zatańcować polóneza...


CO TYDZIYN PO NASZYMU: Zowiść to je szpatno wiec, kiero ludzi dycki przikludzi do krawalu

...trefić na jednóm s piekniejszych chałup...

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Nikiere aji poczytać

Zaś cosi podarziło sie Cieszynowi wynokwić, coby inksze miasta nóm zowiściły. Zeszły tydziyń w pióntek, kiery yno móg to drził na Rynek, coby zatańcować polóneza i zarachować sie do rekordu. Jak to wszecko jedna paniczka porachowała to ji wyszło, że Cieszyn wystawił piyńćset szesnos por do tańcowanio, kiere pore razy przeszmatlały sie po naszym Rynku. Nie wiym yno czymu padło na tego polóneza, ani dejmy na to na takigo cieszynioka, kozoka czy krzyżoka, kiere zatańcowane przez porem por uż by dały rekord nie do pobicio. Na rok możne, że kierymusi wpadnie do czepani, coby tego polóneza zwekslować na inkszy cieszyński taniec i nie trzeja bydzie zganiać telkownych ludzi na cieszyński rynek. Rozmyślóm jak tak kómusi w inkszym wiynkszym mieście wpadnie do czepani tyn nasz rekord szafnóć to my bydymy w rzici, skyrs tego, że nasz rynek ni ma s gumy i na niego nie wlezie uż wiyncyj tusteloków, łod tego wiela było latoś. Dóm uż tymu dzisio pokuj , bo czako na nas ulica Menniczo po kierej trzeja dalij szpacyrować ku wyrchu. Pod nomerym szejść a sztyrycet idzie trefić na jednóm s piekniejszych chałup w Cieszynie w kierej schowane sóm nejstarsze ksiónżki w naszym miescie, kiere podarziło sie tustelokóm dać tam do kupy. Kiery yno chce może se ich tam połogłóndać, a nikiere aji poczytać, ale pojczać do chałupy tych ksiónżek nie lza. Kiery chce może ich tam nawszczywić w każdy łostatni pióntek miesiónca, bo łóni w tyn dziyń opowiadajóm rozmajne zaimawe wieca ło ksiónżkach, kiere telkowne roki zbiyrali i dzisio mogóm sie nimi pochwolić.

Mini słownik:
podarziło-udało,
wynokwić- wymyślić,
zowiściły-zazdrościły,
drził-pędził,
przeszmatłały-przespacerowały,
czepań-głowa,
zwekslować-zamienić,
szafnóć-pobić,
w rzici- w tyłku,
skyrs-z powodu,
podarziło-udało się,
pojczać-pożyczyć,
nie lza-nie można,
nawszczywić-odwiedzić,
zaimawe-ciekawe,
telkowne-liczne

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama