, środa 8 grudnia 2021
CO TYDZIYŃ PO NASZYMU: Wyr-znóć sobóm na skolu, to je dycki roz dwa
Jak człowiek widzi fórt te samóm dziadowine w tym samym miejscu, ło kierej podarziło sie mu porem razy uż pisać, to naprowde mory go bieróm.  fot: FJD



Dodaj do Facebook

CO TYDZIYŃ PO NASZYMU: Wyr-znóć sobóm na skolu, to je dycki roz dwa

FJD
CO TYDZIYŃ PO NASZYMU: Wyr-znóć sobóm na skolu, to je dycki roz dwa

”...taki wiynksze skoli...”. fot. FJD


CO TYDZIYŃ PO NASZYMU: Wyr-znóć sobóm na skolu, to je dycki roz dwa

”..tych rdzowych feków...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Głowem przipod

Jak człowiek widzi fórt te samóm dziadowine w tym samym miejscu, ło kierej podarziło sie mu porem razy uż pisać, to naprowde mory go bieróm. I nie wiym jak dłógo trzeja być eszcze dociyrnym, coby sie kiery zlitowoł nad tóm ulicóm Trzóch Braci i zrobił ś nióm roz a dobrze porzóndek ? Uż tego je prawie s dziesiyńć roków jak żech sie tymu zacznył prziglóndać i nic tam nie idzie do przodku, a raczyj pokraczujymy ku zadku. Kiejsi eszcze jak porem kamiyni sie tam na ni zaczło ruszać, to posypowali to takim drobnym skolim i zaś jakisi czas to wydzierżało. Nieskorzij łotali ty dziury jakómsi maltóm zmiyszanóm s drobnym szutrym, ale jak na roz prziszła wiynkszo szudera, to też sie ta łata dłógo tam nie obbstoła. Dzisio uż ani na te malte ani na tyn szuter żodnego nie stać, bo taki wiynksze skoli leży se tam luźno na tej ceście isto po to, coby se kiery na nim głowem przipod. Żodnymu nigdy źle nie życzym, ale moc razy to je tak, że dziepro jak sie kiery porzóndnie strzasko, to nieskorzij dycki sie kierysi obudzi. Widziołech porem dni tymu jak jakisi jedyn lufciorz zakopnył tam ło taki wiynkszy kamiyń i o mało co nie wyr-znył sobóm. Nejlepszyj co by to żodyn nie łoglóndoł, to dobrze byłoby tam postawić taki płotek i wszecko to zagrodzić, tak jak to je dzisio na Głymboki. Ta studnia, kiero tam na tej ulicy stoji, też jako była zardzowiało tako je fórt do dzisia, a możne że eszcze je na ni wiyncych tych rdzowych fleków. To je przeca do wszeckich jasne, że nieposztrajchowany plech dycki wartko zardzowi, a nieskorzij aji ganc przerdzowi i nie bydzie uż ani co sprawować. Dzisio ta studnia wyglondoto tak szpatnie, że lufciorze robióm se fotki yno s tóm pieknóm chałupkóm, kiero tam wedla ni stoji.

Mini słownik gwary cieszyńskiej:

fórt - ciągle, dziadowina - coś marnego, podarziło sie - udało się, mory go bieróm - złość go bierze, dociyrny - dokuczliwy, pokraczujymy do zadku - cofamy się, skoli - kamienie, malta - zaprawa, szuter - żwir, cesta - droga, lufciorz - turysta, wyr-znył sobóm - przewrócił się, nieposztrajchowany - niepomalowany, dycki - zawsze, nieskorzij - później, szpatnie - brzydko, wedla - obok.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama