CO TYDZIYŃ PO NASZYMU: Ty kopce i kopieczki w Cieszynie, sóm fest przikre dlo starek i starzików "...W tych kolcach, kiere tam stojóm...". fot. FJD  "Ganc je tak samo wedla naszego tyjateru...". fot. FJD być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Dzisio zaś bydzie wszeckigo po kapce, coby sie to lepszyj czytało. Ta piyrszo kapka, to bydzie tyn kónsek Hażlaski, kiery zustoł ganc fajnie sprawióny. Nejbardziyj rade s tego bydom isto nasze paniczki, kiere czasym prógowały po ni przynś we szpilkach, ale mało kiedy sie im to podarziło. Isto eszcze moc tusteloków pamiynto, jako była ta cesta s poukłodatynych wedla siebie wielkich kamiyni. Fugi miyndzy nimi były taki wielki, że do nich pasowoł każdy krómflek s babskich bótów. Dzisio tam je ganc inakszyj, bo tyn wykidany na tóm ceste asfalt, to je to ! Chybiło zaś isto piniydzy, coby sprawić ty pouszczykowane schódki, kiere sóm wedla tej cesty i po kierych dziynnie szmatle sie moc ludzi. Tyn schodowy kopiec po kierym trzeja sie jakosi dostać do wyrchu, je fest przikry i szkoda, że żodyn ni mioł takigo napadu, coby w połówce niego postawić jakisi gesztel na kierym szłoby se spocznóć. Możne dobre by było tam postawić chocioż jedno taki same kolco, jaki stojóm nad Olzą w tym Open Air Museum. W tych kolcach, kiere tam stojóm, fórt idzie potkać dziecka po kierych wubec nie widać żeby były chocioż kapke umordowane. Łóne tam przichodzóm yno po to, coby tam dziepro sie umordować, a do tego taki kolca sóm im wubec nie potrzebne. Ganc je tak samo wedla naszego tyjateru, bo kómósi zawadzały ławki, kiere tam dłógi roki stoły i ni ma se tam dzisio na czym spocznóć. Możne, że i tam dobre by było chocioż taki ze dwa kolca postawć, bo dziynnie jak je pogoda to tustelocy i rozmajci lufciorze siedzóm tam na betónowych schódkach. Skyrs tego, że naszej wieży nie widać s poza drzew, a studnia trzóch braci je fórt bez wodziczki, dobre by możne było nastawiać tych pieknych kolców bele kaj i domalować łóne do herbu naszego Cieszyna. Mini słownik: po kapce - po trosze, kónsek - kawałek, ganc - całkiem, sprawióny - naprawiony, rade - zadowolone, podarziło - udało się, cesta - droga, wedla - obok, chybiło - zabrakło, krómflek - obcas, pouszczykowane - nadgryzione, fest - bardzo, przikry - stromy, napad - pomysł, gesztel - urządzenie, kolco - koło, wubec - w ogóle, dziepro - dopiero, lufciorze - turyści, fórt - stale, kaj - gdzie. Mjyjcie sie wszedcy dobrze i wiesiołego popióntku.
|
reklama
|
|||||||||||||||
|
Dodaj komentarz