CO TYDZIYŃ PO NASZYMU: Ty dziwoki miana od kszeftów to je sumeryja grejcarowo ...przełożyć na polski miano kszeftu...  ...wypucuje nóm pazury... być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Je żech zwiedawy czy kiejsi gdosi przidzie na to, coby hynoć mi pore groszy za to przekłodani tych zagramanicznych mianów na szyldach cieszyńskich kszeftów. Dzisio zaś przidzie mi przełożyć na polski miano kszeftu, w kierym przedowano je piekno babsko oblyczka. Rozmyślóm tak nad tym czymu łón mo miano szary wik, a ni szaro wilczyca, jak tam chłopski oblyczki wubec ni ma. Jo sie na tym nie znóm, ale to co tam widać na tych manekinach bez głowy, to isto paniczkóm sie podobo. Nejważniejsze, że chocioż czas w kierym tam majóm odewrzite napisany je cyframi arabskimi, kierych sie wszedcy uczyli na rachunkach we szkole. Tak rozmyślóm, czy aby tyn szary wilk, ło kierym je rzecz nie połodgryzoł im tych manekinowych czepani i kansi ś nimi uciyk. Kónsek dalij je kszeft dlo młodzioków s rozmajtymi grami, bez kierych dzisiejsze kluki i dziywczynta ni mogóm sie obynś. Mianuje sie łón po przełożyniu na nasze mistrzym gry, abo menadżerym i syndzióm do kupy razym. Ta chałupa s nomerym sztyry a dwacet mo eszcze u sie inksze kszefty, co idzie poznać po szyldach, kierych je tam tak moc, że prawie ściany chybiło. Mogymy tam trefić na biuro kiere kszefci chałupami i kwartyrami, kierych sie nikierzy chcóm pozbyć, a drudzy, kierzi prziszli ku pinióndzóm wartko to łod nich kupić. To je isto dobry kszeft, bo taki mómy to życi, że jednym naroz przidzie na kóniec, a drugim podarzi sie być przi nadzieji i tym padym potrzebujóm wartko wiynkszy kwartyr. Je też moc u nas takich tysteloków co sie im s chałupy dziecka wykludziły i potrzebujóm zwekslować swój kwartyr na miynszy. Przez ty same dwiyrze poradzymy też wlyś do ineresu kiery zrychtuje i wypucuje nóm pazury w na rynkach i aji we szłapach. Mini słownik:
|
reklama
|
|||||||||||||||
|
Dodaj komentarz