, poniedziałek 24 lipca 2017
CO TYDZIYŃ PO NASZYMU: Ty dziwoki miana na naszych kszeftach fórt egzystujóm
Se sprawić fot: FJD



Dodaj do Facebook

CO TYDZIYŃ PO NASZYMU: Ty dziwoki miana na naszych kszeftach fórt egzystujóm

FJD
CO TYDZIYŃ PO NASZYMU: Ty dziwoki miana na naszych kszeftach fórt egzystujóm

...to miano QUIOSQUE...


CO TYDZIYŃ PO NASZYMU: Ty dziwoki miana na naszych kszeftach fórt egzystujóm

...zwekslowali go na “Lombardi”...

Szpacyrkym po Cieszynie “Gdo sie za swoj jynzyk wstydzi takim niech sie każdy brzidzi”

Se sprawić

Pod nomerym 52 na Głymboki, ciepnóm sie nóm eszcze na łoczy dwa szyldy, kiere wiszóm wedla siebie na ścianie tej chałupy. Jedyn szyld namowio nas, coby dać se zregenerować jakisikej wkład do drukarki laserowej, a drugi, coby dać se sprawić praskniónóm zymbowóm protezem. Jedno to na zicher tyn zymbowy warsztat mo dobre, że dziynnie je tam odewrzite, isto skyrs tego, że przeca ty trzeci zymby jako to niekierzi prawióm na protezy, praskajóm byle kiedy. Kónsek dalij we dwiyrzach czako na nas łómani jynzyka jak przidzie nóm do czepani taki napad, coby poczytać napisany wielkimi literami szyld “QUIOSQUE”. Miano tego kszeftu je taki dziwoki, że w żodnej ksiónżce nie idzie go pochledać i nie wiym, kiery na to prziszeł, coby kszeft s babskimi szatami tak zmianować. Możne, że je to rzecz s jakigosi plymiynia afrykańskigo, abo azjatyckigo, s kierej nie idzie sie wartko wyrozumieć, a rozchodzi sie yno ło to, coby paniczka wlazła do postrzodka i kupiła se szaty s jejich etyketóm. Je tych kszeftów w całej Polsce przeszło sto dwacet i możne w inkszych miastach paniczki sóm móndrzejsze i wiedzóm s czym to miano QUIOSQUE tak naprowde sie jy. Dwiyrze dalij je kszeft, kiery też mo jakisi dziwoki miano. Kaj inidzij taki kszefty, kiere za niechani swojich wiecy dajóm bankrotom pinióndze, nazywajóm sie lombardami, a nasz cieszyński kszeft nie wydzierżoł, coby mianować sie jako insze i zwekslowali go na “Lombardi”. Za jejich auslagóm widać same telefóny, bo isto nejlekciyj idzie sie ich pozbyć za łacne pinióndze.

Mini słownik:
ciepnóm-rzucą,
weda-obok
prasknióne-pęknięte,
na zicher-na pewno,
odewrzite-otwarte
skyrs-z powodu,
kónsek-kawałek,
kszeft-sklep,
pochledać-poszukać,
dziwoki-śmieszne,
szaty –sukienka,
zmianować- nazwać,
wlyś-wejść,
miano-nazwa,
kaj-gdzie,
wiec-rzecz,
wydzierżoł-wytrzymał,
zwekslować-zamienić,
łacne-tanie

Tóż miyjcie sie wszedcy dobrze i wiesioego popióntku

Komentarze: (1)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

QUIOSQUE to po portugalsku kiosk

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama