, czwartek 2 grudnia 2021
CO TYDZIYŃ PO NASZYMU: Swoji miana chcóm mieć dycki, wszecki wieca
Kómu naroz cosi pizło do czepóni, coby całóm gmeć cestów zacznóć mianować inakszyj, tego do dzisia nie wiym? fot: FJD



Dodaj do Facebook

CO TYDZIYŃ PO NASZYMU: Swoji miana chcóm mieć dycki, wszecki wieca

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie tóm biołóm szczałke w tej czyrwiónej kostce, kieróm nóńdziecie pod spodkym”.

Czakajóm na swoji miana

Kómu naroz cosi pizło do czepóni, coby całóm gmeć cestów zacznóć mianować inakszyj, tego do dzisia nie wiym? Na iste musiało mu nadbyć czasu i pochledoł se tej inszej roboty. Narachowołech tych cestów do kupy s cestowymi kolcami aże trzinos i skyrs tego nie bydzie to taki lekuśki wszecko spamiyntać. Gdo spamiynto aże sztyry wyrazy kierymi bydzie sie mianowało to cestowe kolco na Frysztacki, tego nie wiym, ale na zicher bydóm mieli s tym ostudem wszedcy ci tustelocy, kierzi sóm posunióni w rokach. Przeca to cestowe kolco na tej Frysztacki, je tam yno jedno i jaki łono bydzie miało miano to i tak wszedcy bydóm na niego prawić “róndo na frysztacki”. Dycki ludzie taki miana prugujóm se dopasować do czegosi, co uż tam rychlij zustało postawióne i tymu na zicher żodyn na cestowe kolco przi starostwie nie bydzie prawił “rondo Maryji Wardasówny”. Hańdownij cesty w miastach ludzie se ponazywali skyrs tymu, coby listonosze musieli s rozmajtymi i papiórami do nich trefić. Dzisio przi tych cestowych kolcach żodyn przeca nie miyszko, to niech mi gdo rzeknie, skyrs czymu łóne muszóm mieć swoji miana? Ale jak uż tak s tym mianowanim wszeckigo, miastowi rajcy sie rozegnali, to sie mi zdo, że eszcze ło czymsi se przepómnieli. Mómy eszcze przeca w mieście dwa publiczne haźle, łosim kierchowów, piyńć mostków na Bobrówce i jedyn wiadukt, a łóne też czakajóm na swoji miana. Przepómniołech se eszcze o banhofie, dwóch torgach, dwóch kuminach i sztyróch tanksztelach, kiere na iste też chciałyby mieć swojich patrónów, bo dzisio prziszła tako moda na mianowani wszeckigo.

Mini słownik gwary cieszyńskiej:

pizło do czepóni - wpadło do głowy, na iste - na pewno, gmeć cestów - dużo dróg, pochledoł - poszukał, narachowołech - naliczyłem, cestowe kolco - rondo, mianowało - nazywało, ostuda - kłopot, posunióni w rokach - posunięci w latach, na niego prawić - na niego mówić, bydzie prawił - będzie mówił, hańdownij - dawniej, skyrs - z powodu, swoji miana - swoje nazwy, przepómnieli -zapomnieli, haźle - toalety, kierchów - cmentarz, banhof - dworzec, tanksztela - stacja benzynowa, na mianowani - na nazywanie.

Tóż miyjcie sie wszedcy dobrze i wiesiołego popióntku!

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama