, sobota 24 października 2020
CO TYDZIYŃ PO NASZYMU: Skyrs telkownych wiecy w kszeftach, tustelocy fórt na ich kupowani  marnióm swój czas
Dzisio bydzie kapke ło kszeftach s jedzynim, kierych uż mómy tela w Cieszynie, że nie wiadómo do kierego skoczyć. Eszcze tak s piyńć a sztyrycet roków tymu miyszkało w Cieszynie kolem sztyrecet tysiyncy ludzi, a kszeftów na zicher było dziesiyńć razy mjynij.  fot: FJD



Dodaj do Facebook

CO TYDZIYŃ PO NASZYMU: Skyrs telkownych wiecy w kszeftach, tustelocy fórt na ich kupowani marnióm swój czas

FJD
Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Jyno za wórsztym

Dzisio bydzie kapke ło kszeftach s jedzynim, kierych uż mómy tela w Cieszynie, że nie wiadómo do kierego skoczyć. Eszcze tak s piyńć a sztyrycet roków tymu miyszkało w Cieszynie kolem sztyrecet tysiyncy ludzi, a kszeftów na zicher było dziesiyńć razy mjynij. Tak rozmyślóm jako to było możne, że mało gdo chodził głodny, a we kszeftach stoli my jyno za wórsztym, łowiyńzinóm i miynsym s babucia. Każdy kszeft mioł lade za kieróm nie szło wlyź i trzeja było wiedzieć ło co sie spytać, coby ta ekszpedyjynta nas obsłóżyła. Żodno baba nie dzierżała w ryncach zaszkryfanej żodnej kartki, bo wszecko to miała w głowie, po co do tego kszeftu mo wlyź. Dzisio niczym cosi kupi to gdzinem zmarni na czytaniu insztrukcyji, kiere majóm na siebie nadrukowane wszecki wieca. Kiejsi żodyn sie ani nie pytoł jak dłogo może dzierżeć dóma miynso kiere kupił, bo zjedzóne było roz dwa i było po kłopocie. Żodyn dóma nie dzierżoł jedzynio na forot i skyrs tego też, nie było słyszeć, że gdosi był s jedzynio nimocny na bachórz. Na kóniec łóńskigo roku było uż nas yno kapke wiyncyj niż dwi a trzicet tysiyncy, a i tak latoś jacysi móndrocy dali sie eszcze do stawianio nowych kszeftów. I nie jyno jednego, a bezmała dwóch, bo uż zaroz za tym naszym McDonaldym nowo cesta sie tam rychtuje, po kierej pudzie do nich dojechać. Bo przeca tak daleko żodyn nie bydzie chodził pieszki. A możne, że dobre by to było tak zarzóndzić, coby do kszeftu s jedzynim tustelocy przichodzili jyno pieszki ze swojimi taszkami. Mielibymy zaroz dwie wiece w jednym- ludzie by tak nie hrubli, a i luft by był zdrowszy jak wszedcy niechali by swoji auciska dóma.

Mini słownik: kapke - trochę, kszeft - sklep, na zicher - na pewno, wórszt - kiełbasa, łowiyńzina - mięso wołowe, babuć - wieprz, wlyź - wejść, zmarni - zmarnuje, wieca - rzeczy, kiejsi - kiedyś, dzierżeć - trzymać, bachórz - brzuch, forot - zapas, gdosi - ktoś, nimocny - chory, stawiać - budować, bezmała - prawdopodobnie, taszka - torba, luft - powietrze.

Tóż mjyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama