, piątek 29 marca 2024
CO TYDZIYŃ PO NASZYMU: Rożygani światła to je tako wiec s kieróm uż dzisio ni ma ostudy
Hałdamasz idzie uż zrobić w Cieszynie na byle czym. Do rożyganio na świontecznym strómku idzie aji napytać kuminiorza, kiery gónił s drabinóm łod zómku aże po rynek.  fot: FJD



Dodaj do Facebook

CO TYDZIYŃ PO NASZYMU: Rożygani światła to je tako wiec s kieróm uż dzisio ni ma ostudy

FJD
CO TYDZIYŃ PO NASZYMU: Rożygani światła to je tako wiec s kieróm uż dzisio ni ma ostudy

"...każdy szczebl tej drabiny mioł inszóm barwe...". fot. FJD


CO TYDZIYŃ PO NASZYMU: Rożygani światła to je tako wiec s kieróm uż dzisio ni ma ostudy

"...był też gdosi co udowoł mikołaja...". fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Sie rożły

Hałdamasz idzie uż zrobić w Cieszynie na byle czym. Do rożyganio na świontecznym strómku idzie aji napytać kuminiorza, kiery gónił s drabinóm łod zómku aże po rynek. Nie wiym jako sie mu to podarziło, że każdy szczebel tej drabiny mioł inszóm barwe, chocioż każdy przeca wiy, że łóna bo być ganc cało czorno. Nie wiym też kiery prziszeł na to, coby s takigo rożyganio świóntecznego strómka zrobić taki wielki hałdamasz i ku tymu eszcze rozmajtych przewleczónych tusteloków napytać, coby prziszli na rynek. Sie mi zdo, że ludzie majóm coroz wiyncyj czasu a mjynij roboty i skyrs tego uż nie wiedzóm, coby tu eszcze wynokwić. Tyn kuminiorz nie był tam sóm, bo szło eszcze uwidzieć przewleczónych tusteloków na austryjockich wojoków, kierzi isto mieli dować pozór na cysorza i cysorzowóm. Ku rynku cysorzowa pora zamias sónkami jachala kolasóm, bo tak samo jak łońskigo roku chybiało śniega. W tej procesyji plyntli sie też jacysi starodowni rycerze i przewleczóny kierysi za te, co s kosóm przichodzi po nas. Był też gdosi co udowoł mikołaja i jakisi czarownice. Wszecko to, do tego cysorza austryjackigo i tych jego wojoków nie bardzo pasowało, ale na to uż nic na nie poradzymy jak gdosi dzierży cały boży rok w odmaryji rozmajtóm barewnóm oblyczke i mo to chyńć roz do roka przeluftować. I tak jakosi pumalutku podarziło sie całej tej procesyji przeszmatłać aże na rynek, na kierym uż insi czakali na nich. Na koniec kierysi odrachowoł łod dziesiyńciu aże do zera i dziynka bogu wszecki żarówki na tym weilkim strómku sie rożły.

Mini słownik: hałdamasz - zabawa, rożygać - zapalać, podarziło sie - udało się, barwa - kolor, kiery - kto, przewleczóny - przebrany, wynokwić- wymyślić, łóńskigo - zeszłego, gdosi - ktoś, odmaryja - szafa, oblyczka - ubranie, przeluftować - przewietrzyć, przeszmatłać - przespacerować.

Mjyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama