, piątek 29 marca 2024
CO TYDZIYŃ PO NASZYMU: Puścić cug po starej sztrece to bydzie opowoga
”...rychlij,by skludzili tyn znak STOP...” fot: fot.FJD



Dodaj do Facebook

CO TYDZIYŃ PO NASZYMU: Puścić cug po starej sztrece to bydzie opowoga

F.J DRAL
CO TYDZIYŃ PO NASZYMU: Puścić cug po starej sztrece to bydzie opowoga

”...na kierej pisze CIESZYN MNISZTWO...”


CO TYDZIYŃ PO NASZYMU: Puścić cug po starej sztrece to bydzie opowoga

”...nad tóm sztrekóm rozpostrzóne były dróty...”

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


DRÓTY ZE SZTRÓMYM

Tyn przistanek autobusowy ło kierym była łostatnio rzecz, to je uż Europa na prociw tego kolejowego wedla sztreki. Bo uż my doszli tak daleko, że za chwiliczem bydymy musieć przelyś przez sztreke przed kierom fórt je znak, kiery prawi, coby sie tam zastawować. Zug uż tam przeszło 10 roków nie jeździ ale żodyn nie prziszeł na to, coby nie dokuczać szoferóm i kozać sie im zastawować przed tóm zar-zowiałóm sztrekóm. Na taki maluśki tabulce, a ku tymu maluśkimi literkami pisze, że cosi uż tam nie funguje, ale coby to poczytać do porzóndku trzeja sie na zicher zastawić. Możne, że rychlij by skludzili tyn znak STOP jak by złómiorze wytargali sztreke kiero tam przechodzi przez ceste. A możne je to niechane, coby Mnisztwianie nie łodwykli sie tam zadzierżować, bo podobno je drepszóne kole tego,coby spatki po tej sztrece puścić cugi. Możne też tymu żodyn do dzisia nie skludził tej tabuli kiero stoji wedla sztreki i na kierej pisze CIESZYN MNISZTWO. Łostatni dych dowajóm uż tam litery Y i N i możne, że sie uż łone nie doczkajóm, coby poczuć wóń łod nowej damfuli, abo łod nowocześniejszego disla. Kiejsi tam nad tóm sztrekóm rozpostrzóne były dróty ze sztrómym, ale dzisio uż ich tam nima, bo na iste gdosi ś nich zrobił inksze wieca. Stracił sie też kansi przistanek i dobrze by było prziwołać jakichsi archełologów, coby dali sie do kopanio, bo możne, że łón je na dobre zapadniynty pod ziym. Taki kopani w ziymi zawsze dobrze robi na muskle, a czasym aji udo sie nalyś jakisi stare pinióndze. Mómy dzisio taki czasy, że aji stare pinióndze idzie zwekslować na nowe i s tego dobrze żyć.

Mini słownik:

  • rzecz - mowa,
  • pochynióny - porzucony,
  • sztreka - tor,
  • fórt - wciąż,
  • funguje - funkcjonuje,
  • na zicher - na pewno,
  • cug - pociąg,
  • skludzić - sprzątnąć,
  • niechane - pozostawione,
  • rychlij - szybciej,
  • cesta - droga,
  • damfula - lokomotywa,
  • rozpostrzóne - rozciągnięte,
  • sztróm – prąd,
  • wieca - rzeczy,
  • kansi - gdzieś.
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł ”Dróty ze sztrómym".

    Komentarze: (1)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Do słowniczka dorzućcie "opowoga" o ile się nie mylę to odwaga

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama