Co tydziyń po naszymu: Przyndymy sie kole marketu Społem"to zaroz za winklym możecie se dorobić stracóny abo złómany klucz". fot. F.J.Dral F.J.Dral, współpracownik portalu gazetacodzienna.pl, prowadzi kącik gwarowy "Co tydziyń po naszymu", fot. ARC Tyn tydziyń isto żodyn eszcze nie zaskoczył jako to po nowymu pisać, tóż też tymu trzeja bydzie isto poczkać z tydziyń abo dwa żebyście sie zalogowali. Jo uż to sprugowoł i kosztuje to kapke rozumu i czasu. Ale jak gdo mo naprowde chynć pisać po naszymu to na to przidzie. Uwidzymy za jakisi czas czy ta nasza nowość wyszła nóm na dobre. Jo Was jyno mogym namowiać do tego zalogowanio sie. Wiym po sobie, że trzeja ku tymu kapke ciyrpliwości a nie każdy jóm mo. Chocioż ty gibczoki młode co z komputerym dziynnie robióm to isto to zaskoczóm bez żodnego kłopotu. Szpacyrkym po Cieszynie "Moja ty słodko cieszyńsko mowo Piwa z krygla Tóż jak my sie uż napili jak sie teraz to rzóndzi "wirtualnego" piwa z krygla to mogymy iś dalij. Zaroz jak przelezymy przez Szyrokóm to uwidzymy takóm kostkatóm chałupe kiero do naszego pieknego śródmieścio pasuje jak kwiotek do korzucha. Teraz jednakowóż jak jóm łopucowali to uż tak nie szpeci w łoczy. Jak podyndymy po schódkach ku wyrchu to uwidzymy eszcze ganc fajnie dychajóncy nasz PSS. Nazywo sie to Społem i jak to kiejsi Z. Laskowik prawił "i dziepjyro wstołem". Nima sie jednakowóż z nich co śmioć bo ty ich kszefty ganc fajnie wyglóndajóm. Teraz jak by to kiery cosi takigo odewrził to isto to byłby "supermarket". Tak chwała Wóm ludziska za to z tego PSS-u żeście sie nie dali ogupić i robicie dalij dobrze swoji. Jak uż obezdrzicie wszystki ty kszefty i wyleziecie na Limanowskigo to zaroz za winklym możecie se dorobić stracóny abo złómany klucz. Bo przeca w naszym mieście jak stracicie klucze abo geldtaszke to nima tego fórt kaj niechać. A teraz zać fajny wic: - Wyciep zaroz ty grziby ty snoplu! - Jak to dóma uwarzicie i zjycie to sie potrujecie... to sóm trujónce grziby. - Na dyć jo wiym. - Tych grzibów nie bydymy ani warzć ani suszyć. - Bo wjycie panoczku jo ich jyno niesym na sprzedoj! Tóż mjyjcie sie wszedcy dobrze i wiesiołego popiątku. Dzisio Wóm zaś poczytóm po naszymu "Jako sie Lojzkowi Dudowi straciła od lokomotywy tulajka", Karola Piegzy z książki "Sękaci ludzie":
|
reklama
|
Dodaj komentarz