, piątek 29 marca 2024
Co tydziyń po naszymu: Prziszły taki czasy, że każdy tustelok w kapsie mo mieć angielski słownik
Przeduje bóty fot: FJD



Dodaj do Facebook

Co tydziyń po naszymu: Prziszły taki czasy, że każdy tustelok w kapsie mo mieć angielski słownik

FJD
Co tydziyń po naszymu: Prziszły taki czasy, że każdy tustelok w kapsie mo mieć angielski słownik

...kszeft s kwiotkami


Co tydziyń po naszymu: Prziszły taki czasy, że każdy tustelok w kapsie mo mieć angielski słownik

...wszeckich plakatów...


Co tydziyń po naszymu: Prziszły taki czasy, że każdy tustelok w kapsie mo mieć angielski słownik

...tłumacz angielskigo...

Szpacyrkym po Cieszynie “Gdo sie za swój jynzyk wstydzi takim niech sie każdy brzidzi”

Przeduje bóty

Naroz na pore dni prziszło lato i ani sie żodyn nie spozdrził, a wiosna sie kansi zapodziała.To już tak trwo pore roków i jak tak dalij pudzie to nasze dziecka nie bydom wiedziały, że kiejsi jejich starzicy w Cieszynie też mieli wiosnem. Dziynka tymu bydymy dzisio zaś pokraczować suchóm nogóm po Głymboki. Stanyli my przi kszefcie kiery przeduje bóty i widać to s daleka, bo szyld mo tak wielki, że aji ślepy go uwidzi. Móm teraz s tym osude, bo nie wiym kiery szyld je ważniejszy, czy to “OBUWIE” czy tyn “rieker antistress”, kiery prawi nóm ło tym, że na zicher nima to kszeft tu stela. Je to jakisi dziwoki s tymi szyldami, bo jak uż cosi napiszom po polsku to ni mogóm wydzierżeć, coby zaroz wedla nie dopisać też cosi po zgranicznymu. Na zachodzie sóm też kszefty na kierych pisze po polsku, ale łóne sóm yno dlo Poloków, kierzi s Polski uciykli. W Cieszynie nie znóm ucieczonych Anglików s Anglije , a kszeftow na kierych pisze po angielsku je tela, że jak kiery nie wiy, to bydzie se wszymoł, że u nas po cestach plyntóm sie yno ludzie, kierzi poradzóm czytać po angielsku. Wedla idzie trefić na kszeft s kwiotkami, kiery na całe szczynści wszecko za auslagóm napisane mo po polsku i skyrs tego żodyn Anglik u nich kwiotków nie bydzie se isto poradzioł kupić. Nie poczyto też tych wszeckich plakatów, kiere tam majóm poprzilepiane za auslagóm i nie dowiy sie co dzisio ani za miesiónc bydóm odgrywać w cieszyńskim tyjatrze. Całe jednakowórz szczynści je w tym, że zaroz wedla we dwiyrzach snaszeł se plac tłumacz angielskigo i możne, że bydzie łón najmowany do pumocy Aglikóm, coby ni mieli ostudy przi kupowaniu kwiotków.

Mini słownik:
spozdrził-zorientował,
kansi- gdzieś,
starzicy-dziadkowie,
pokraczować-podążać,
kszeft-sklep,
prawi-mówi,
na zicher- na pewno,
tu stela-stąd,
dziwoki-śmieszny,
wedla-obok,
kapke-trochę,
wszymoł-myślał,
cesta-droga,
auslaga-wystawa,
skyrs- z powodu,
ostuda-kłopot.

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama