CO TYDZIYŃ PO NASZYMU: Przeca to zima sie za nas wziyła ale zaś kapke za festDzisio Wóm zaś poczytóm po naszymu opowiadanie "Gorolsko ploga", Adama Wawrosza z książki "Z Adamowej dzichty". fot. Maciej Kłek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Tak żech żgoł do tej zimy aż se to do siebie wziyła i mrozym prziskwiyrczało. Lepij sie czasami nie wyplynziać żeby potym nie dostać za moc tego co my chcieli. Tak mómy zimy pełne galaty i nima co szpasować. Przeca zdrowi mómy jedno i lepszyj sie je dobrze łoblykać i nie dać sie tej zimie. Chłopóm radzym łoblykać flanelowe gacie a babóm trykocze, to bydóm mógli jakosi te zime w zdrowiu przeżyć. Zeszły tydziyń stanyli my przed tym kszeftym z czornóm oblyczkóm, kiery muszóm zawrzić bo ludzie w Cieszynie zaczli delij żyć i kopidoły pozbyły robote. Kapke dalij je wielko chałupa "Pod Królem Polskim", kiero uż tam stoji łod 1815 r. Piszóm w książkach, że tak jóm ochrzścili skyrs tego króla co w 1683 roku szeł przez Cieszyn prać sie z Turkami pod Wiydyń. Chałupa nie powiym je fest ale lepszyj jak by w ni była jakosi fajno gospoda. Nie wiym kómu to zawadzało bo eszcze nie tak downo tam szło se cosi fajnego ciepnóć na ruszta. Dzisio jyno w łoknach sóm przlepjóne jakisi śmiyszne koróny a nad dwiyrzami je napis "Delikatesy" a kapke wyżyj cosi ło tym królu. Przidało by sie jóm zaś na nowo opucować żeby w tej szarziźnie inszych chałup letnikorze, kierzi do naszego miasta przijyżdżajóm mógli sie dowiedzieć jaki piekny downij był nasz Cieszyn. A teraz zaś fajny wic: Wszystkigo żech sie po tobie spodziywała ale żeś je taki mamlas tegoch nie wiedziała. - A toś sie nie zmiarkowała po tym żech se ciebie wziył? Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Gorolsko ploga", Adama Wawrosza z książki "Z Adamowej dzichty".
|
reklama
|
Dodaj komentarz