CO TYDZIYŃ PO NASZYMU: Przeca doczkało sie to moderne kino odewrziciobyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Podarziło sie przeca łodewrzić to nowe kino, kiere musiało aże cały rok czakać na smiłowani. Żodyn tak do dzisia na zicher nie wiy, skyrs czymu to tak dłógo trwało, ale sie mi zdo, że isto tymu, bo przepómnieli kupić zica, na kierych sie w kinie siedzi. Tak czy inakszyj uż sie podarziło go puścić w ruch, coby tustelocy nie musieli jeździć do Biylska. Jakosi podarziło sie też kómósi namówić jednóm pieknóm paniczke i panoczka, coby tu do nas przijechali w tym piyrszym dniu odewrzicio kina i w nich odgrywali. Jako kiery prziszeł na to, że ta piekno paniczka je rodzóno w Cieszynie tego nie wiym, ale sama wszeckim, kierzi jóm posłóchali to rzekła. Była bardzo pieknie obleczóno po czornu i opowiadała jako sie ji to podarziło s naszego Cieszyna pojechać tam kansi do wielkigo świata. Wysztudyrowała sie na aktorkem i dzisio gro w rozmajtych filmach na kiere ludzie radzi chodzóm, coby jóm se tam połoglóndać. Tyn drugi panoczek co je jejim kamratym też cosi opowiadoł, ale był ganc niedziwnie obleczóny jak na taki świynto, bo galaty mu jakosi zjyżdżały ze zadku, isto skyrs tego,bo ni miały poska. Zaś na nogach mioł biołe adidasy, kiere ganc nie pasowały do tego modrego kabota, kiery mioł na siebie. Fórt dzierżoł rynce w kapsach, chocioż nie było tam zima. Nie wiym czy to je taki zwyk tak to robić w tym wielkim świecie, czy tyn zwyk dzierżynio rónk w kapsach wyniós z chałupy. Wszecko sie dobrze w tym piyrszym dniu podarziło, bo nawszczywnicy cosi ciepli se na zómb i zmoczli karki w postrzodku biołym i czyrwiónym winym. Mini słownik: podarziło - udało się, na zicher - na pewno, skyrs - z powodu, zico - siedzenie, paniczka - pani, nawszczywili - odwiedzili, posłóchali - słuchali, kansi - gdzieś, wysztudyrowała - wykształciła, kamrat - kolega, ganc - całkiem, galaty - spodnie, fórt - ciągle, kabot - marynarka, kapsa - kieszeń, zwyk - zwyczaj. Mjyjcie sie wszedcy dobrze i wiesiołego popióntku.
|
reklama
|
Dodaj komentarz