CO TYDZIYŃ PO NASZYMU: Powinszować wszeckim na tyn Nowy Rokbyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym. W łostatni dziyń roku napiszym wóm jako to hań downi tustelocy i gorole z Wiseł,Istebnego i Kóniakowa winszowali se na Nowy Rok: Na szczynści na zdrowi na tyn Nowy Rok,żeby wóm sie darziło, mnorziło kapusta i groch,żeby wóm sie darziło,mnorziło we dworze i w kumorze, na kołeczku i we woreczku,w każdym kóntku po dziesióntku. Dej Boże co byście mieli tela wołków,co w płocie kołków, tela cieliczek co w lesie jedliczek tela byczków co w lesie buczków, tela owiec co w lesie mrowiec, a w polu coby stoł snop przi snopie, kopa przi kopie, a gazda miyndzy kopami jako miesiónc miyndzy gwiozdami i żeby jechoł wóz za wozym do gumna jako pszczoły do ula i żebyście byli tacy weseli jako w niebie anieli. Żeby sie wóm wszecki dziywki powyzdowały, a pachołcy pożynili, a mie małego połaźniczka na wiesieli zaprosili. Prziszeł wóm tu mały połaźniczek, prziszełech tu po trojniczek, trojniczek mi dejcie zy mie sie nie śmiyjcie, bo tu s wozym nie pojadym, suchej rzepy nie powiezym, a co mi docie to weznym-grosz czy dwa to je moja kolynda. Winszujym wóm szczynścio, zdrowio na tyn Nowy Rok, ale ni na tyn Nowy Rok, ale na delsze czasy, abyście byli weseli jako w niebie anieli, aby sie wóm mnożyło darziło, abyście mieli zimioki jako chodoki, kapuste jak pnioki, bób jak żłób, żytko wszecko i proso i co byście nie chodzili boso. Mini słownik: Tóż mjyjcie sie wszedcy dobrze i coby my sie zaś na rok spotkali.
|
reklama
|
|||||||||||||||
|
To były piebkne winsze, a teraz to już tydziyń abo i dwa przed świyntami łażóm rozmaite łajzy co to nic nie umióm tylko jakómsi kolynde zaśpiywajó i ju8ż chcóm stówke abo dwie.
Dodaj komentarz