CO TYDZIYŃ PO NASZYMU: Pieknie posztrajchować to dzisio uż mało gdo poradzi ...kiejsi był tam kiosek...  ...mianuje sie Mont Blanc... być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Trochę to je gańba, że na prociw parafijalnego kościoła w naszym pieknym mieście, rotuz nie poradzi zarzóndzić posztrajchowanio tego łodropanego i poszkryfanego zalónkniyńcia w murze. Kiejsi był tam kiosek, ale kómusi to zawadzało i dzisio ta szkaradno ściana je isto szpecyjalnóm atrakcyjóm dlo lufciorzi. Abo chybiło grosza, abo ni ma we sklepie farby, kiero by tam pasowała. Skyrs tego isto lufciorze dropióm się po czepaniach i rozmyślajóm co tam kiejsi było. Sie mi zdo, że wedla tej “atrakcyji” nie kludzi żodno cesta kieróm rotuzowe urzyndniki chodzóm do roboty i skyrs tego żodyn nie prziszeł eszcze na to, coby chocioż na chwilem pojczać s muzeum jakómsi figurem i jóm tam postawić. Chybiło też na zicher farby, coby posztrajchać naszóm prowdziwóm atrakcyje, kieróm je studnia trzóch braci, bo uż dłógi roki wyzyzuje tam rdzowka spod tej seledynowej farby. Je to jakisi u nas dziwoki, że w mieście w kierym mómy werk co miyszo i przedowo rozmajte laki i farby, nie idzie dostać taki barwy, kiero by podeszła na tóm poszkryfanóm ściane i aji na te zardzwiałóm studnie. Kónsek dalij mómy czekuladowóm cieszyńskóm atrakcyje, kiero, nie wiym czymu zamias Czantoryja, Równica, abo Jaworowy mianuje sie Mount Blanc. Isto uż nigdy nie strzepnymy sie s tej przipadłości i bydymy fórt chwolić cudze, a swoji kansi mieć dycki na boku. Kapke to je gupi i dokuczliwe, że nie poradzymy też ani naszym bracióm Czechóm zrobić uciechy i za auslagami kszeftów napisać cosi po ichnimu. Na to uż downo prziszli kszefcioże s targu, kierzi uż aji s tustelokami rzóndzóm po czesku. Mini słownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Dodaj komentarz