Co tydziyń po naszymu: Obezdrzili my tyn nasz piekny rynek i bydymy sie szmatłać do wyrchuT. Reger moc sie staroł żeby wystawić gmach kasy chorych w Cieszynie. fot. F.J.Dral F.J.Dral, współpracownik portalu gazetacodzienna.pl, prowadzi kącik gwarowy "Co tydziyń po naszymu", fot. ARC Pore tydni tymu pytoł mie jedyn internaut o nasze cieszyński życzynia. Udało mi sie cosi wychledać a, że idóm Gody to taki świónteczne życzynia isto Wóm zrobióm rodość: 1. Winszujym wóm szczynścio zdrowio na tyn Nowy rok, ale nie na tyn Nowy Rok, ale na delsze czasy, żebyści byli zdrowi wiesili jako w niebie anieli, żeby sie wóm dziywki pozwydowały, pachołcy pożynili, a mie też biydnego pastyrza na to wiesieli zaprosili. Jo wóm darujym kure, ślepice, grochu mierzyce, pszenice dwie szwierci... bydzie tego doś do śmierci. Tego wóm winszujym z uprzejmego serca. Amen. 2. Czyście nie wiedzieli, czyście nie słyszeli, że to dzisio Nowy Rok? Idźcie do kościoła, pozdrówcie Jezusa, żeby sie wóm darził rok. Insze życzynia i cieszyński zagadki za tydziyń. Tyn tydziyń fest do rzeczy napisoł STELOK STELOK 2011-11-08 22:31:00 Zuza, szacunek dlo zwierzónt je kwestyjóm humanizmu, ni pobożności. Chrześcijaństwo przeca uznowo zwiyrzoki jyny jako istoty słóżónce ludzkimu żołóndkowi, a ni jako stworzynia z duszóm. ;) Szpacyrkym po Cieszynie "Moja ty słodko cieszyńsko mowo U Szfemy Jak żeście uż dobrze obezdrzili nasz Rynek to mogymy sie pumaluśku szmatłać dalij. Wybrołech ulice Regera żeby potym dalij szpacyrować przez Górny Rynek aż do ZOR-u. Niewjym czy wjycie ,że T. Reger moc sie staroł żeby w Cieszynie wystawić gmach kasy chorych. Spómniało mi sie o nim boch we Wszystkich świyntych był na komunalnym i na jego grobie było moc świyczek i kwiotków. Je to bardzo pieknie, że cieszyniocy pamiyntajóm tak dłógo ło kimsi co tak downo umrził ale cosi dlo Cieszyna zrobił. Tóż jak wlezymy w tego Regera od rynku to zaroz po lewo je połedniowo ściana jelyniowej chałupy a na jeji kóńcu zaś je bank. Je to isto uż dziesiónty, kiery my minyli i tak se myślym co ty szefy łod tych banków rozważujóm. Bo przeca wszecki fabryki uż w Cieszynie sóm pozawjyrane to skónd ci ludzie majóm brać pinióndze żeby im prziniyś. Tak samo je z pojczowanim jak sie nimo roboty to nima z czego wracać dłógu. Tak żech sie teraz cofnył z myślami a eszcze jak żech łoczy zawrził to mi sie spómniało jak tam kiejsi był bar i nazywoł sie u Szfemy. Nalywali tam piwo do krygli i trzeja tam było stoć bo nigdy nie było kaj siednóć. Wszechno teraz je insze jyno dwjyrze sóm w tym samym miejscu jako były kiejsi. I kómu to zawadzało? A możne i lepij bo dzisio by sie to nazywało pub. A teraz zać fajny wic: Kareł sie pyto Jozefa: - Mosz rod gupi baby? - Ni! - A takie kiere nie umjóm warzić? - Ni! - A taki kiere cie obgadujóm? - Ni! - To skyrs czego łazisz fórt za mojóm babóm? Tóż mjyjcie sie wszedcy dobrze i wiesiołego popiątku. F.J. Dral czyta opowiadanie "Jako hawiyrz Mrógała przeniós prosie przez granice" Karola Piegzy, z książki "Sękaci ludzie".
|
reklama
|
Tak sie dziwóm, że łod czasu, kiedy zostoł zmiynióny format naszej strónki internetowej, jakosik ubyło chyntnych do debaty. Rozmyślóm, czym to właściwie je. Problemami przi piyrszym logowaniu? Czakamim, aż poszlóm hasło? (W mojim przipadku czakani na hasło trwało skoro cały dziyń). Albo je to obawa przed wyjścim z anonimowości, z kierej bezpieczego zawietrzo my se mógli śmielij puścić gymbe na szpacyr, kogosi zjeździś nie przebiyrajyncy w słowach a nikiedy aj kómusi porzóndnie podokuczać. A tu naroz taki szok. Je prowda, że moji interlokutorzi mojigo prawdziwego miana aji tak nie łuwidzóm, ale kansi w redakcyji bedzie wyświycóny mój adres. Już nie pujdzie tak ajnfachowo kómusi powiedzieć, że je debil, dałn, sprostok albo cham. Nó bo to by wyglóndało tak, jak by sie samymu prziznało ku sprostactwu i jeszcze pod tym podpisało. Wierzym, że ci z nas, kierzi sie do teraz starali nie przekroczyć granice słószności, sie pryndzyj albo nieskorzi przegryzóm przez problemy piyrszego zalogowanio. A za tymi drugimi nima co banować.
Dodaj komentarz