CO TYDZIYŃ PO NASZYMU: Nowóm sztreke postawić to ni ma tak lekobyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Fórt po kapce idymy do przodku, coby zaś tak było, jak łóńskigo roku. Kiedy sie to podarzi, to isto dzisio żodyn tak na zicher nie wiy, ale uż to wszyndzi widać. Żólte autobusy tak jak kiejsi, uż gzujóm po cieszyńskich cestach, a ku tymu za wolantym jednego ś nich siedzi szykowno paniczka. Po kapce też pokraczuje rychtowani nowej sztreki ku Goleszowu. To jednakowóż bydzie delij trwało, bo s tym je kupa roboty. Trzeja przeca zwekslować, całóm sztreke do kupy ze szwelami, a tego na łoko je isto s patnos kilometrów. Trzeja też bydzie wystawić porem nowych przistanków, kiere sie kansi straciły, abo same zapadły sie pod ziym. Bydzie to moc zaimawe, gdo tym cugym bydzie rajzowoł, jak wszedcy dzisio jeżdżóm autami. Isto uż ci, co stawiajóm te nowóm sztreke nad tym rozmyślajóm, coby w tych cugach, kiere na rok uż sztartnóm bydzie pełno ludzi. Jako sie im to podarzi tego nie wiym, ale na zicher majóm na to porem możności. Piyrsze coby ludzi nagnało do tego cugu, to isto dać im jechać w nim z darma, po drugi dźwignóć cyne bynziny, a po trzeci połówke parkingów w Cieszynie obsioć trowóm. Nie wiym czy moc ludzi ło tym wiy, że zamias przistanku Mnisztwo bydzie przistanek Uniwersytet, na kierym do cugu majóm wsidać sztudynci, kierzi pozbydóm sie autów, a dzisio majóm kwatyr w Goleszowie, abo w eszcze kansi dalij. Dobrze by też było uż dzisio chycić sie za zrychotawani na nowo, tego chodniczka pod sztrekóm na prociw galeryji Stela, bo jak tam bydóm rampy spuszczóne to trzeja bydzie oblecieć s taszkami na obkoło po całym wiadukcie. Mini słownik: fórt - ciągle, łońskigo - zeszłego, sie to podarzi - to się uda, gzujóm - pędzą, cesta - droga, wolant - kierownica, pokraczuje - idzie, sztreka - tory, kupa - dużo, szwele - podkłady, rajzowoł - podróżował, kansi - gdzieś, zaimawe - ciekawe, cug - pociąg, podarzi - uda się, z darma - za darmo, kwartyr - mieszkanie, chycić sie - zabrać się, zrychtować - naprawić, rampy - rogatki, taszka - torba. Tóż mjyjcie sie wszedcy dobrze i wiesiołego popióntku
|
reklama
|
Dodaj komentarz