, środa 18 kwietnia 2018
CO TYDZIYŃ PO NASZYMU: Nie bydymy beczeć za zimóm, bo nie sóm my przeca małe dziecka
Klejzać na szliczuchach fot: FJD



Dodaj do Facebook

CO TYDZIYŃ PO NASZYMU: Nie bydymy beczeć za zimóm, bo nie sóm my przeca małe dziecka

FJD
CO TYDZIYŃ PO NASZYMU: Nie bydymy beczeć za zimóm, bo nie sóm my przeca małe dziecka

...ważniejszy je przeca śniyg...


CO TYDZIYŃ PO NASZYMU: Nie bydymy beczeć za zimóm, bo nie sóm my przeca małe dziecka

na scianie wisi szyld...

Szpacyrkym po Cieszynie
“Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Klejzać na szliczuchach

Kapke przeca tego śniega nasuło, a tak naprowde yno cyrpło, coby kocur napłakoł. Tóż przeca dziecka mogóm uż wysmyczyć sónki, skije i szliczuchy, coby kapke sprugować tego spuszczanio sie po kopieczkach. Małoś nie wiela mómy tych kopców przirychtowanych do spuszczanio sie na sónkach w naszym mieście, ale ważniejszy je przeca śniyg, bez kierego ni ma zimy. Dzisio i tak mómy lepszyj niż kiejsi, bo jak nie marznie to klejzać na szliczuchach dziecka poradzóm aji w hali na Małej Łónce. Wszecko dzisio idzie zwekslować jak notura nóm cosi zrobi naswol, bo uż aji słóńce mómy w lampach, przi kierych idzie lepszyj zbrónatnieć niż na słóńcu. Ta wygoda tak ludziom poprzewracała w czepaniach, że wszecko chcieliby jak wylezóm s chałupy, mieć pod nosym. Podziwejcie sie na taki dejmy na to Skoczów w kierym uż lodowisko majóm na rynku, coby yno Cieszynowi nie dać utarżyć. Kapke my se pofluchcili, a teraz zaś trzeja brać sie do szpacyrowanio po Cieszynie. Łostatnio zastawili my sie przi Książnicy i dzisio pokroczymy ku chałupie s nomerym sztyry a sztyrycet na ulicy Menniczej. Kiejsi tam był warsztat pana Kulisia, kiery sprawowoł dyntki i nakłodoł opóny na koła, a nieskorzij kierysi sie tam doł za ramowani obrozków. Teraz tam na ścianie wisi szyld, kiery nóm cosi prawi o jakimsi fryzyjerze, ale w postrzodku je cima i nic tam sie nie ruszo. I teraz nie wiym czy uż to zbankrociło czy dziepro to kierysi mo tam zamiar odewrzić. Tak czy inakszyj szyld mo tam fest zajimawy, bo na nim sie chwoli, że poradzi s waszymi szkutami zrobić wszecko, co se yno zawinszujecie.

Mini słownik:
kapke-trochę,
cyrpło-w małej ilości nasypało,
wysmyczyć-wyciągnąć, spuszczać-zjeżdżać,
skije-narty,
szliczuchy-łyżwy,
przirychtowany-przygotowany,
kiejsi-kiedyś,
klejzać-ślizgać,
naswol- na umyślnie,
czepań -głowa,
podziwejcie sie-popatrzcie,
utarżyć-zarobić,
nieskorzij-później,
cima-ciemno,
zaimawy-interesujący,
szkuty- włosy

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama