, czwartek 28 marca 2024
CO TYDZIYŃ PO NASZYMU: Ni ma jak zmarzlina
"...przedowajóm tam zmarzline a wartki jodło". fot: Ewelina Szuścik



Dodaj do Facebook

CO TYDZIYŃ PO NASZYMU: Ni ma jak zmarzlina

EWELINA SZUŚCIK
CO TYDZIYŃ PO NASZYMU: Ni ma jak zmarzlina

"Kole tej małej chałpy je szkoła...". fot. Ewelina Szuścik

"Gdo sie za swój jynzyk wstydzi takim niech sie każdy brzidzi" .

Szpacyrkym po dziedzinie

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydze rozumioł
to jyny wiater bydzie po naszymu szumioł"

Zmarzlina a wartki jodło

Kóniec dziesióntego miesiónca to je dycki smyntny czas. W prziszłym tydniu uż je Wszectkich Świyntych i ani sie nie nazdómy kie przidzie zima. Dzisio skuli tego przyndymy sie od piekorza, cestóm do wyrchu aż ku szkole. Tam do prawa je taki kszeft, co je odewrzity yny w ciepłych miesióncach, a przedowajóm tam zmarzline i wartki jodło. Ta chałpa w kierej kryncóm italiańskóm zmarzline, ni ma fest hrozno i skuli tego przez lato dycki tam ni ma placu, coby se klapnyć na zadek. Worce jednako kapke tam postoć, bo zmarzlina tam je nejlepszo w Zybrzidowicach. Ty lody tam przeduje uż drugi pokolyni i dycki ludzie wiedzóm kaj, dejmy na to po sumie w kościele pojechać na cosi dobrego. Kole tej małej chałpy je szkoła i dziecka też majóm na pozoryndziu to wartki jodło. Bezmała wszedcy uczyni prawióm, że ni ma to zdrowe i idzie sie z niego roznimóc ale dzieckóm to szmakuje. U mie we chałpie mamulka prawiła, że "Co kómu szmakuje, tym sie nie otruje" i cosi aji w tym może być. Sómsiod kie był mały wpod do kaczoka i przi tym chlipnół tej zmazanej wody, byście słyszeli wiela było rozprawianio, że sie synek otruje,że chory bydzie... A synek urosnył i je chłop na schwał, bo dycki prawióm, że pognojóne lepszy rośnie. Jakoby nie było, dzisio mało mómy zdrowego jodła bo do wszeckigo muszóm wstyrkać chemije ale kie se gdo roz na jakisi czas zjy wartki jodło, też go s tego nie potargo. Tak żech se wszymła, że tyn panoczek od zmarzliny musi mocka utarżyć na tych lodach, bo ptoszki ćwiyrkajóm, że za tóm małóm chałpóm stawiajóm moc wiynkszóm. Isto skuli tego coby tam wlazło wiyncyj ludzi do postrzodka i możne bydzie to odewrzite aji cały rok. Kie bydziecie w Zybrzidowicach przez lato, tak stańcie przi ceście kole szkoły i przyndźcie sie tam na lody, bo worce. Puki co to se musicie oblyc ciepłe fusekle i wiynkszóm sznuptychle zawiónzać na hyrtóń coby doczkać na prziszłorocznóm, italiańskóm zmarzline.

Mini słownik:

  • zmarzlina - lody,
  • wartki jodło - fast food,
  • hrozno - wielka,
  • worce - warto,
  • roznimóc sie - rozchorować się,
  • szmakuje - smakuje,
  • kaczok - stawek dla kaczek,
  • chlipnół - wziął łyka wody,
  • pognojóne - nawożone,
  • wstyrkać - wsadzać, dawać,
  • wszymła - pomyślała,
  • mocka - dużo,
  • utarżyć - zarobić,
  • postrzodek - środek,
  • odewrzite - otwarte,
  • oblyc - ubrać,
  • fusekle - skarpety,
  • sznuptychla - chustka do nosa - wiynkszo sznuptychla - apaszka,
  • hyrtóń - kark.

    Miyjcie sie wszedcy dobrze i wiesiołego popióntku!

    Dzisiejszy tekst ma tytuł: "Zmarzlina a wartki jodło".

  • Komentarze: (1)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Nie podoba mi się Pani styl pisania gwarą pisanie przez "Ó" jak powinno być "o" a i strasznie dużo błędów ...........

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama