, sobota 6 marca 2021
CO TYDZIYŃ PO NASZYMU: Na szliczuchach idzie se dzisio yno poklejzać na zamarzniónym stawie
Mołoś nie wiela, ale jednakowóż cosi fórt przeca w naszym mieście do przodku pokraczuje. fot: FJD



Dodaj do Facebook

CO TYDZIYŃ PO NASZYMU: Na szliczuchach idzie se dzisio yno poklejzać na zamarzniónym stawie

FJD
CO TYDZIYŃ PO NASZYMU: Na szliczuchach idzie se dzisio yno poklejzać na zamarzniónym stawie

”...ibrycznóm trumne...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Brusili swoji szliczuchy

Mołoś nie wiela, ale jednakowóż cosi fórt przeca w naszym mieście do przodku pokraczuje. S tym pokraczowanim tej roboty na Głymboki, nie bydym dzisio do żodnego dziuboł, bo ponoć sóm winne tymu jakisi ruły, kiere porem roków tymu zustły felernie do ziymi wrażóne. Całe szczynści, że eszcze sóm insze wieca na kiere sie poradzymy podziwać i ni ma co fórt mamrać na wszecko dołopkoła, bo to zdrowiu nie słóży. S tym podziwanim sie na cosi, to uż yno zustało nóm poszpacyrować se miyndzy budami na rynku i kupiyni se opłatka u anieliczka, kiery sie tam plyncie. Jeszcze porem roków tymu, jak chłapcy i dziełuchy ze sztyróch krajów s nami skamracónych “brusili” u nas swoji szliczuchy na lodzie, to szło sie na nich tam podziwać, a zeszły tydziyń jak łóni zaś przijechali do nas, wszecko było zawrzite. I podziwejcie sie na co nóm prziszło, żeby szportowcy nie poradzili to swoji hópkani na lodzie pokozać inszym, tak jak to dycki kiejsi bywało. Bo przeca jak gdosi cały rok nigdzi sie nie smyko, yno wiela mo siły w klepetach dziynnie na tyn lód chodzi kielzać, to chce nieskorzij chocioż przibuznym pokozać co poradzi. Tak jednakowóż zeszły tydziyń nie było, bo żodyn inszy na cieszyński lodowisko sie ni mog dostać i na tych szportowców, kierzi rozmajte wieca dwa dni na lodzie ukazowali, sie podziwać. Zaś kiery chcioł, to sie móg podziwać w pyndziałek na szkolnioków, kierzy takóm ibrycznóm trumne po Cieszynie smykali, a przi tym robiłi kapke krawalu. S tego coch zachycił to rozchodziło sie ło to, że ci szkolniocy mieli taki napad, coby rechtorzi zaczli ich zaroz uczyć bardziyj przidajnych wiecy.

Mini słownik gwary cieszyńskiej:

fórt - ciągle, pokraczuje - podąża, skyrs - z powodu, ruły - rury, felernie - błędnie, wrażóne - włożone, wieca - rzeczy, podziwać - popatrzeć, budy - stragany, anieliczek - aniołek, plyncie - pląta, skamracónych - zaprzyjaźnionych, brusili - ostrzyli, kapke - trochę, szliczuchy - łyżwy, zawrzite - zamknięte, hópkani - skakanie, nie smyko - nie wałęsa, klepeta - nogi, przibuzny - krewny, żodyn - nikt, podziwać - popatrzeć, ibryczny - zapasowy, krawal - głośne zachowanie się, zachycił - załapał, napad - pomysł, rechtorzi - nauczyciele, przidajne - potrzebne.

Tóż miyjcie sie wszedcy dobrze i wiesiołego popióntku.

Komentarze: (1)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Tak, stojóm budy, sprzedujóm sie opłatki, pumału cichnie ruch na bauplacach i na cestach. Bliżóm się Gody, a je ganc jedno, czy wierzymy w Narodzyni Dziecióntka albo czy to całe bierymy jako godnóm głymbokigo uszanowanio legynde, tak samo pieknóm, jak ta o założyniu Cieszyna. Bo dlo jednych aji drugich czas Swiónt a kóniec roka je czasym na zastawiyni, na chwile zadumy, na chladani odpowiedzi, co my przez cały tyn rok zrobili dobrze a co źle, co się dało zrobić lepij, co nas czako w roku prziszłym, a jako to zrobić, aby my to nie zwyrzali. Tak że od siebie życzym wszystkim pokoju a nadzieje, a dobrych decyzyji. Wóm też, Panie Dral.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama