, sobota 16 grudnia 2017
CO TYDZIYŃ PO NASZYMU: Na Starym Targu w co drugich dwiyrzach idzie dostać szaty abo spodek dlo paniczek
Wyśmioty panoczek fot: FJD



Dodaj do Facebook

CO TYDZIYŃ PO NASZYMU: Na Starym Targu w co drugich dwiyrzach idzie dostać szaty abo spodek dlo paniczek

FJD
CO TYDZIYŃ PO NASZYMU: Na Starym Targu w co drugich dwiyrzach idzie dostać szaty abo spodek dlo paniczek

...urzynduje też panoczek...


CO TYDZIYŃ PO NASZYMU: Na Starym Targu w co drugich dwiyrzach idzie dostać szaty abo spodek dlo paniczek

...wszelijakóm babskóm oblyczke...

Szpacyrkym po Cieszynie
"Gdo sie za swój jynzyk wstydzi takim niech sie każdy brzidzi"

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Wyśmioty panoczek

Pod tóm siedmiczkóm na Starym Targu, kaj kiejsi tustelocy dowali se wypucować swojóm oblyczke dzisio przeduje sie... i uż sie mi ani nie pytejcie co, bo przidziecie sami na to aji ze zawrzitymi łoczami. Coby jednakowóż żodyn za dlógo nie rozmyśloł na co tam idzie trefić, to wóm powiym, że zaś treficie na wszelijakóm babskóm oblyczke. Myślym, że nie worce ani tam wlazować do postrzodka, bo przeca wszyndzi sóm ty same wieca, kiere paniczki na sie wieszajóm. Dwiyrze dalij też isto ze zawrzitymi łoczami, każdy by prziszeł na to, że je tam dziesiónto insztytucyja, kiero nacióngo was do pojaczanio se u nich piniyndzy. Całe szczynści, że je to prowdziwy bank i isto też pudzie tam u nich niechać swoji pinióndze, coby nóm cosi naszporowały. Musi im tyn pinióndzowy kszeft ledwie dychać, bo taki jedyn wyśmioty panoczek dziynnie w telewizorze bauszy nóm do łuszy, coby pojczać se u nich piniyndzy na bele co. Tyn panoczek pore roków tymu odgrywoł we filmie takigo Karola, kiery nie dowoł dziełuchóm pokuj. Jako sie to kiejsi dlo tego panoczka skóńczyło to isto wszedcy wiedzóm, a tyn bank też isto by se takigo kóńca nie winszowoł. Je to jakisi dlo mie dziwoki, że takigo panoczka, kierymu sie nie podarziło pocyganić porem szykownych dziełuch, bieróm do tego, coby bałamóncić ludzióm w czepaniach. W tej samej chałupie urzynduje też panoczek, kierego mogymy popytać, coby pojczane nasze pinióndze poradził wytargać s kapsy łod naszego dłóżnika. Ni ma to leko robota, bo dycki tako baraba ucieko s pinióndzami kansi do świata i trzeja mieć moc szczynścio, coby go po tym tam dopaś.

Mini słownik:
siedmiczka-siódemka,
kaj- gdzie,
oblyczka-odzienie,
żodyn- nikt,
nie worce-nie warto,
odgrywo-gra role,
wlazować-wchodzić,
wieca-rzeczy,
dwiyrze-drzwi,
pojczać- pożyczyć,
naszporować-zaoszczędzić,
kszeft-interes,
czepań- głowa,
wyśmioty-uśmiechnięty,
isto- na pewno,
winszowoł-życzył,
popytać-poprosić,
dycki-zawsze,

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama