CO TYDZIYŃ PO NASZYMU: Możne, że przidzie taki czas i nasze bydzie zocniejsze"Kapke wyżyj je cieszyński kierchów...". fot. FJD "...po lewo je bardzo piekno gospoda...". fot. FJD Dzisio Wóm zaś poczytóm po naszymu opowiadanie "Dziwno taksa" Henryka Jasiczka, z książki "Humoreski Beskidzkie". fot. FJD cd. słownika: bekać sie - nagłe wypuszczenie gazów przez usta bekany/bakany - brzydki, niedobry być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Myślym, że uż wóm sie podarziło pojeś w tej gospodzie co sie mianuje “Jak u Mamulki” i s pełnym bachorzym bydymy pokraczować dalij po Cieszynie. Trzi tydnie tymu zastawilimy sie kole tego wielkigo torgu na kierym co sobotem i we strzode ”bratři” czesi majóm przeogrómnóm chynć udać swoji korónki. Gónióm tam s kalkulaczkami jak łoparzóni coby jyno jakisikej ”levniejśe zboři” ucapić i warko lecieć spadki do swjich “panelaków”. Kónsek dalij zielyni sie nasz cieszyński “AmiPol, kiery społym s PSS-em je łostatnim tak naprowde cieszyńskim kszeftym. Ni mogym jyno prziś na to, że nie sóm postawióne sztyry, a był kiejsi na to plac co widać to po tej czeredzie “Biedrónek”. Przeca kszeft s jedzynim dycki bydzie egzystowoł, bo ludziska bez jedzynio nie poradzóm wydzierżeć delij niż możne, że pore dni. Jaki by to było piekne tako naszo cieszyńsko ”zielynina” w kierej ludziska mógli by se kupowć rozmajte wieca a eszcze przi tym porzóndzić po naszymu. Możne, że dożyjymy takich czasów w kierych nasze cieszyński bydzie zocniejsze łod cudzego i schyrknymy sie do kupmy coby u cudzych uż nic nie kupować. Zaroz wedla mómy tanksztele, kiero zdziyro s nas wiela wlezie za tóm smrodlawóm bulczónke, kieróm trzeja fórt wlywć do baku, coby nasze auciko abo motór kulało sie po ceście. Kapke wyżyj je cieszyński kierchów, kiery egzystuje od 1891 roku i na kierym wszedcy kiejsi se legnymy i żodyn sie uż nas nie bydzie pytoł czy mómy na to chynć. Miejsca isto nie chybi bo w 2010 roku przydali eszcze do niego kapke świyżego gróntu coby ludziska nie byli tam tacy upuczóni jedyn wedla drugigo i po śmierci mieli eszcze czym dychać. Zaroz wedla po lewo je bardzo piekno gospoda, w kierej jak se myślym pogrzebnicy sie dorzóndzajóm co sie kómu patrzi po nieboszczyku. A teraz zaś fajny wic: Jedyn chłop sie sewlykoł i chcioł się pomoczać w Olzie. Naroz prziszeł policmajster i dziwo sie na niego. Jak uż tyn chłop ganc sie sewlyk to tyn policmajster prawi mu, że sie tu nie śmiy kómpać. Mjyjcie sie wszedcy dobrze i wiesiolego popióntku. Dzisio Wóm zaś poczytóm po naszymu opowiadanie "Dziwno taksa" Henryka Jasiczka, z książki "Humoreski Beskidzkie".
|
reklama
|
Świynto prowda,
swojich trzeba wspiyrać. Ale nie starczy przibić na dwiyrze polskóm fane abo Orła Biołego i myśleć, że se wszycy połómióm nogi, co tak bedóm lecieć kupować tóm zepsutóm kónine. A na Zyda sie wysmolóm, bo wprowdzie ón ni mo zepsutej kóniny, mo tam łacnij, ale ni ma Polok (jasne, że przesadzóm ale idzie o to, gdo sprzedowo łacnij a lepszy towar). Na kóniec sóm my już w kapitalizmie, tak że zysk idzie do kapsy właściciela, niech je to, gdo chce, a miasto abo państwo mo z tego jyjny podatki, kiere rownako płaci Polok abo Zyd (jesi ale płaci). Tóż jo se nie myślym, żech je gorszy patryjota, jak pijym lepsze a przi tym łacniejsze czeski piwo, jesi wolym bejgijski pralinki abo francuski syry. Inszo wiec by była, jak by cały zysk ze sprzedaży szeł co do grosza na siyroty abo starzików bez opory. Potym ni ma co rozmyślać.
Pieknie wszystkich pozdrowióm.
Witojcie.Jo wiym ,że to łostatni kszeft zieleninom, ale podziwejmy sie jako w inszych sklepach kupcy robiom,łoni są zdanio ,że jak sprzedajom kilo marekwi i dwa kilo monki kilo cukru i eszcze czegoś tam to majom zarobek dzwigając ceny łokropnie. W tym sklepie eszcze mogymy se wybrać co chcymy jaki towor sie nom podobo, a nieże dajom nom towor do ditki a w chałupie mosz to na pół zgnite. Wiycie handel nie polygo na tym ,że by zarobić wartko,ale jak to prawili żydzi jedyn fenig miyni a też jest zarobek tylko ilośiom to nadrobiymy. Tego wszyskigo dziosio brakuje naszym handlowcom, łoni tylko cyny do góry ,a też psujom nom te cyny owi czesi bo ich koronka stoi sztucznie wysoko i im się to łopłaco.
Dodaj komentarz