CO TYDZIYŃ PO NASZYMU: Mómy teraz taki czasy, że na Gody mómy słóńce a we Wielkanoc suje śniyg "... pisze IBZ a naswol je taki hrozny żeby każdo paniczka na niego spozdrziła". fot. FJD  Dzisio Wóm zaś poczytóm po naszymu opowiadanie "Jako w jednym młynie strasziłoi", Karola Piegzy z książki "Tam pod Kozubową". fot. Maciej Kłek być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Uż nie wiym co tyn czas eszcze latoś wywinie bo jak bydzie tak, że Gody od Wielkanocy bydymy mógli poznać jyno po tym, że na stole stojóm wajca to nieprzidymy z tym czasym do porzóndku. A miało sie niby uż odcieplić a roztopióny lód mioł zalywać Holandyje i eszcze insze depresyje. Nóm tu w tym Cieszynie to zalywani nie grozi bo kierysi kiejsi tak tyn świat urzóndził i nasz Cieszyn mo porzóndnóm zwyżke. Tak, że skyrs tego nie muszymy stawiać żodnych szyfów ani arki. Tymu też po suchu mogymy dalij kroczać po Wyższej Bramie ku Rynku i obezdrzić do reszty ty wszecki piekne chałupy. Przed świyntami stanyli my przed kszeftym, kiery ganc przi ziymi mo za auslagóm wyoślóne to co robi dlo ludzi. Dołech sie też skusić żeby czympnóć i to poczytać. I tak żech sie wywiedzioł, że tam ustrzignóm wóm galaty jak ich mocie za dłógi a jak wóm prasknie rajfeszlus to dajóm wóm nowy. Kapke dalij zaś je cosi dlo paniczek bo widać to za aslagóm a zaroz wedla ni je tak wielki szyld na kierym pisze IBZ a naswol je taki hrozny żeby każdo paniczka na niego spozdrziła. Zaś dalij je przekryncóno nazwa ulicy i pisze Brama Wyższa i nijako to nie pasuje do tego na co my sóm prziwykniyńci. Nie wjym gdo sie we szkole uczył stawiać przimiotniki ze zadku ale możne teraz sóm taki programy do nauczanio. A teraz zaś fajny wic: Na pustyni farosz spotkoł lwa i ze strachu zaroz sie przeżegnoł. - Boże sprow żeby ta bestyja miała chrześcijański uczucia. Lew też sie przeżegnoł i prawi: - Boże popłogosław mi to jedzyni, kiere bydym zaroz jod. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Jako w jednym młynie strasziłoi", Karola Piegzy z książki "Tam pod Kozubową".
|
reklama
|
|||||||||||||||
|
Nimach se zicher, czy to s tóm wodóm brać na lechkóm woge, jak to robi pón Dral. Nad naszóm dziedzinóm je zapora i móndre głowy wyrachowały, że jak by sie przetargała, to by zaloło całóm dziedzine aż po fare (i nie wierz tu człowiecze w palec Łopatrzności, bo tóm fare postawili na dłógo przed zaporóm). A że jo miyszkóm godny kyns poniżyj, tóż nie wiym-nie wiym, czy by mi starczyło wysukać nogawice łod galot. A je ganc możne, że by ich nie starczyło ani ustrzignyć. Już my aji se sómsiadym rozmyślali, czy nie przemówić pana farorza, niech se postawi nowóm fare poniży nas, ale sómsiod na mnie wyjechoł, czy móm mało swoji roboty. A s tym czytanim napisów nisko przy ziymi to bych był sakramyncko łopaterny, czy to ni ma przipadkym jakisi podstymp mniyjszościowy. A trzeba dować pozór, bo ty mniyjszości sie nóm w Polsce radykalizujóm, łoj, radykalizujóm. Jak tak łoglóndóm tóm naszóm telewizyje, tak widzym, że je tam wiela ło szalónych psychijatrach a szalónych politykach. A jo sie aż pocym łod rozmyślanio, kiero łypcyja je gorszo.
Tóż bedym kóńczył, jyny sie to jeszcze roz przeczytóm, czych tu przipadkym nie użył jakigo imiysłowa, boch sie prawie doczytol w ślabikorzu Tómka Sochackigo, że w naszej gwarze imiysłowy ni majóm co hladać. Kóńczónc pozdrowióm Tómka i skazujym, że co jeszcze ni ma, może kiedysi być (Czesi też ni mieli imiysłowów a potym przi modernizacyji jynzyka ich narobili łod metra, naprzikłod: jsa, jsouc, jsouce, byv, byvše - co je łodpowiednik jedynego polskigo "będąc" dlo rozmajtych rodzaji i czasów). Wszystkim, co im sie teschno za Tómkym zrobiło, posyłóm adres "www.gwara.zafriko.pl/" albo sie klepnijcie na jahu albo inszym guglu hasło: "gwara śląska cieszyńskiego".
Tóż miyjcie sie tam pieknie na tym dalekim Ślónsku a nie pozabijejcie sie jak w tej starej pieśniczce: "...syn zabił łojca, brat zabił brata...". Bo jesi mi zabijecie brata, kogo bedym łokrodoł' ?
Dodaj komentarz