CO TYDZIYŃ PO NASZYMU: Moc ludzi mo gymby krziwe jak sie im cosi nie podarzibyć zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Łostatnio żech kapke ponarzykoł na ty łokróngłe jednaki jabka na Starym Targu i dzisio prziszeł czas, coby przizdrzić sie tymu młodymu chłopu na wielki fotce za auslagóm. Jakómsi mo tóm minem niewyraźnóm, bo isto chybiło mu pinindzy, coby wrócić spadki kiejsi pojczane pinióndze. Jakby poradzioł wylyź s tej auzlagi i stanóć wedla na tretuarze to by dziepro mioł gymbe krziwóm, jakby uwidzioł tóm łodrzitóm ściane na kierej wsi jego wielko fota. Dłógi roki ta ściana uż je łodrzito i ni ma takigo, coby jóm na nowo łopucowoł. Isto całymi tydniami i rokami żodyn tam ś nich sie na to sie nie dziwo, bo isto urzyndniki dziynnie przichodzóm do roboty na łostatnióm chwilem i szybrzikujóm za kluczami po kapsach. Jak zaś po robocie idóm ku chałupie to uż ganc majóm co inkszego w czepaniach i dzwignóć łoczy do wyrchu żodnymu sie uż nie chce. Po “kursie” jynzyka angielskigo jaki sie mi trefił łóńskigo roku na Głymboki, to przełożyć na nasze “for you” ni ma ciynżko, bo łóno znaczy “dla ciebie” i każdy zaroz wiy, że to co tam majóm w postrzóndku je yno dlo niego. Je to fajno chytka dlo tych co nie poradzóm se wszymnóć, że to przeca je dlo każdego i niczym przidzie s tym do porzónku to uż je w postrzodku i przeciepuje rozmajte obliczki na wieszokach. Na ścianie wiszóm też tam dwie gablotki w kierych wubec nic ni ma, bo isto óne sóm za lekućko prziszrubowane do ściany i coby to ukraś, żodyn by ni mioł s tym ostudy.Tego, czymu łóni do tych gablotek nie dali chocioż jakichsi modernych fotek s oblyczkóm tego nie wiym, ale sie mi zdo, że świyci tam cały dziyń słóńce i wartko ty fotki zrobiły by sie fijołkowe. Mini słownik: Tóż miyjcie sie wszedcy dobrze i wiesiołego popióntku.
|
reklama
|
Dodaj komentarz