CO TYDZIYŃ PO NASZYMU: Minyli my tóm gospode kiero downij "Tympo" sie nazywała "Zaroz za winklym je kszeft kiery mo dwa ganc inksze szyldy...". fot. FJD  Dzisio Wóm zaś poczytóm po naszymu opowiadanie "Grzibiorze", Anny Filipek z książki "Na żiwot w grudniu". fot. Maciej Kłek Szanowni internauci i miłośnicy naszej cieszyńskiej gwary: Zapraszamy Was do wystartowania w konkursie na "Najpiękniejsze Cieszyńskie Słowo". Na naszym portalu www.gazetacodzienna.pl należy kliknąć na wiadomości a potem w spisie odszukać hasło "Najpiękniejsze Cieszyńskie Słowo" i w ten sposób można zapoznać się jak wystartować w konkursie. Kupon konkursowy można też otrzymać we wszystkich bibliotekach powiatu cieszyńskiego od Istebnej po Zebrzydowice. Dlatego zachęcamy też wszystkich, którzy preferują pismo odręczne o pobranie i wypełnienie kuponów konkursowych w naszych powiatowych bibliotekach. być zawsze do prawjynio gotowo a jak cie uż żodyn nie bydze rozumioł to jyny wiater bydzie po naszymu szumioł" Minyli my tóm gospode kiero downij "Tympo" sie nazywała i jak eszcze se niekierzi spóminajóm to moc placu ku wieczoru nigdy tam nie było. Tóż to kwicisko jak to moja starka prawiła trzeja było pić na tympa i isto łod tego ta gospoda tak sie nazywała. Jo se spómnioł, że eszcze niekierzi chłopi prawili na nióm "U krowski rz..i". Możne, że kierysi to eszcze pamjynto tak samo jak u "Szwemy" w kierej też po połedniu nigdy nie było na czym siednóć. To były piekne czasy, bo mołoś niewiela my wtedy mieli a żodyn niczego inszym nie zowiścił skyrs tego, że piniyndzy mielimy wszedcy prawie tela samo. Kapke dalij we dwiyrzach je kiosek z gazetami i aż dziw biere, że eszcze tam nie sprzedujóm lajbików. Zaś pore kroków dalij sóm dwiyrze, kiere isto uż sto roków nie były otwiyrane i możne skyrs tego nad nimi nasze Cieszyński Muzeum swój szyld se powiesiło. Nie bardzo to pasuje to tego wielkigo plakatu z włoskimi lodani, kiery niżyj wisi ale szef muzeum isto musi mieć z Włochami jakisi drobne. Zaroz za winklym je kszeft, kiery mo dwa ganc inksze szyldy i chociożbych chcioł to nie wiym na iste czyji to je. Tak lepszyj nie bydym nic pisoł o nich i pujdym dalij za winkiel za kierym kiejsi przedowali kwiotki. Teraz uż tam żodnego nima, a szkoda bo chocioż by nie bylo widać tej sakramyncko szpatnie odrzitej ściany na kierej gdosi prziwiesił ślubny plakat. Tej brzidocie prziglóndo sie z drugi ściany jakisi świynty, a nic nie pisze jako sie nazywo i nie wiym jako go zmianować. Widać jyno, że żodyn o niego niedbo bo z cokoła na kierym stoji cały puc uż odlecioł. A teraz zaś fajny wic: - Badóm was panoczku i łoklepujym a nimogym prziś na to co wóm chybio. I tak se to miarkujym, że isto to je kwicisko... - Nó to dobre panie dochtór to jo mogym prziś nieskorzij jak wykrzyźbióm. Mjyjcie sie wszedcy dobrze i wiesiołego popióntku. Dzisio Wóm zaś poczytóm po naszymu opowiadanie "Grzibiorze", Anny Filipek z książki "Na żiwot w grudniu".
|
reklama
|
|||||||||||||||
|
Tyn autor (F.J.Dral ) co tu pisze po naszymu, to ni ma czysto cieszyńsk gwara. Kajżtesz sie tu mówiło kszeft? Prawiło się geszeft. Zamiast "niekierzi " sie prawiło "nikierzy". No tyn "kiosek" zamiast "kiosk" to mie obalił ne ziymie.
Wisioł szyld TEMPO , ale i tak my chodzili do Myntelka . A kupować sie chodziło -wedle nazwisk kierowników sklepów- do Chroboczka , do Molina , do Glajca czy Walicy . A najciekawszóm- chyba - nazwe mioł sklep " U Złotej Pani " . Na szyldzie chyba stoło Pasmanteria.
Dzisio , owszym , też nikieżi właściciele nie gańbióm sie swoigo miana . Każdy słyszoł o Wapienniku , Bieleszu , Wilczku czy Dragonie. Oby też dłógo zostali w dobrej pamiynci swoich klijyntów !
Tam mi sie zdowo że Tympo to była kiejsik gospoda u Mentelka do kierej wchodziło sie od ul Garncarskiej. Co sie zaś tyczy gospody Pod Krowskóm Rziciom to straszy kolega mi mówił że tak sie nazywała putyka która była na byłym placu targowym bydła i nierogacizny przy ul Solnej , tam gdzie do dziś je baza PKS . Zaś plac przy którym stoi Tempo nazywół sie Drzewiannym Rynkiem i można tam było kupić toczki, tragacze , rogule ,warzechy kuloki do ciasta i inne wieca oraz drzewiane zabawki.
Kopalnią wiedzy jest np P. Władek Kaleta kiery pisoł też o przedwojennym Cieszynie na łamach Kalendarza Cieszyńskiego.
Tak mi sie Fred zdowo że gospoda "Tympo" kiedysikej nazywała sie u Myntelka i wlazowało sie do ni od strony ul Garncarskiej . Po lewej stronie był szynkwas a po prawej salka ze stolikami. Obecny Górny Rynek nazywoł sie Drzewiany Rynek i sprzedowali tam różne wieca robione przez goroli z drzewa jak rogule, warzechy, toczki , tragacze i zabawki dla dziecek. Nima żech pewiyn ale gospoda Pod Krowskom Rziciom była chyba przy ul Solnej tam gdzie jest baza byłego PKS .Na tym miejscu było też targowisko ze zwiyrzyntami . Z krowami też. Pamiyntóm też że po wojnie w tym miejscu rozbijały swój namiot przejeżdżajace przez Cieszyn cyrki.
O nazwie tej gospody przy ul Solnej /przy której rzech sie nota bene przed wojną urodził/ opoiadoł mi starszy kolega ale żech tego nie weryfikowoł. Może to być temat do dyskusji miyndzy starszymi cieszyniokami co jeszcze cosik pamiyntają , a moc już ich ni ma.
Kopalnią wiedzy może byc np. Pan Władek Kaleta który tam nie daleko miyszkoł. serdecznie pozdrowióm .
Dodaj komentarz