, czwartek 28 marca 2024
CO TYDZIYŃ PO NASZYMU: Mieć dach nad czepanióm, to ni ma złe
Dzisio nie bydzie ło Godach, bo uż by tego było za moc, jak jo by eszcze sie za to wziył. Dyć przeca wszedcy wiedzóm, że każdego roku łóne przidóm, bo na zicher każdy mo kalyndorz dóma na ścianie. fot: FJD



Dodaj do Facebook

CO TYDZIYŃ PO NASZYMU: Mieć dach nad czepanióm, to ni ma złe

FJD
CO TYDZIYŃ PO NASZYMU: Mieć dach nad czepanióm, to ni ma złe

”...poradzi wszyndzi jechać...”. fot. FJD

Szpacyrkym po Cieszynie
“Gdo sie za swój jynzyk wstydzi takim nich sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Żgać sztychówkóm

Dzisio nie bydzie ło Godach, bo uż by tego było za moc, jak jo by eszcze sie za to wziył. Dyć przeca wszedcy wiedzóm, że każdego roku łóne przidóm, bo na zicher każdy mo kalyndorz dóma na ścianie. Moc ludzi skyrs tych Godów, śpiycho sie s rozmajtymi wiecami, coby mieć przez świynta pokuj. A tym tuplym żynóm s robotóm ci, kierzi jóm kómósi łobiecali, że na Gody bydóm ś nióm fertig. Przedstowcie se, że w te niedziele, ganc w połednie jacysi macherzi, dali sie do stawianio nowego przistanku dlo żółtych autobusów na Karolince. Isto kómusi łobiecali, że we świynta jak nie dej boże zacznie fujać śniegym, to tustelocy kierzi bydóm czakać na autobus, bydóm uż mieli kaj schrónić swojóm czepóń. Nie byłoby w tym żodnej dziwoty, bo przeca obiecanóm robote, dycki trzeba ło czasie przedać tymu, co jóm obsztelowoł. Ale żeby to robić w niedziele w samo połednie tego nie poradzym zachycić. Możne, że je to skyrs tego, że przi tej pandemiji ludzie zamias iś na sume, to bieróm sie za robote, bo uż nie widzóm se w dupie wrotu, coby s tym nadbytnim czasym zrobić. Szkoda, że nie prziszli na to samo też ci, co nóm rozgrzebali Głymbokóm, bo rychlij wylyźlibymy s tego marasu. W tym tydniu spozdrzilech też inszóm atrakcyje wedla banhofu, kiero roz jeździła po ceście a po drugi po sztrece. Co to ci ludzie uż nie wymyślóm, coby sie nie narobć, a wartko jakisi grosz zarobić i tako maszyna, kiero poradzi wszyndzi jechać, je do tego przidajno. Żgać sztychówkóm, abo sercówkóm do zimi każdy poradzi, ale trwało by to isto delij i ta sztreka ku Goleszowi byłaby fertig, dziepro za dziesiyńć roków.

Mini słownik gwary cieszyńskiej:

Gody - śwęta, na zicher - na pewno, skyrs - z powodu, śpiycho - śpieszy, wieca - rzeczy, tym tuplym - podwójnie, żynóm - gnają, fertig - gotowe, macherzi - fachowcy, stawiać - budować, fujać - dąć, kaj - gdzie, poradzym zachycić - potrafię załapać, dycki - zawsze, w dupie wrotu - co by począć, nadbytni - zbyteczny, spozdrziłech - zobaczyłem, wedla - obok, banhof - dworzec, cesta - droga, sztreka - tor, przidajno - pomocna, sztychówka - szpadel, sercówka - motyka w kształcie serca, isto - zapewne, dziepro - dopiero.

Tóż miyjcie sie wszedcy dobrze i wiesiołego popióntku.

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama