, wtorek 24 października 2017
CO TYDZIYŃ PO NASZYMU: Mid Season Sale-30% dlo kogo to je ?
Poradzi wyłoślić fot: FJD



Dodaj do Facebook

CO TYDZIYŃ PO NASZYMU: Mid Season Sale-30% dlo kogo to je ?

FJD
CO TYDZIYŃ PO NASZYMU: Mid Season Sale-30% dlo kogo to je ?

...ze strybra, abo ze złota...


CO TYDZIYŃ PO NASZYMU: Mid Season Sale-30% dlo kogo to je ?

...gablotka s fotkami...


CO TYDZIYŃ PO NASZYMU: Mid Season Sale-30% dlo kogo to je ?

...rozmazano pińdziesióntka...

Szpacyrkym po Cieszynie “Gdo sie za swój jynzyk wstydzi takim niech sie każdy brzidzi”

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.

Poradzi wyłoślić

Czy nóndzie sie kiejsi w naszym mieście taki gospodorz,kiery "Ustawę o języku polskim" poradzi wyłoślić wszeckim cieszyńskim kszefciorzóm tak, coby zachycili ło co sie rozchodzi ? Dobrze by to było, bo do dzisia jak sie szpacyruje dejmy na to po Głymboki to nie wiadómo kaj my sóm. Czy kansi w Angliji czy w naszym historycznym Cieszynie, bo poczytać szyldy na co drugim kszefcie poradzóm yno młodziocy, kierzi mieli we szkole angielszczyne. Czy kiery dzisio wiy co to je "FUNK'N'SOUI" i czym sie u nich kszefci ? A może gdosi wiy co to je Mid Season Sale –30% ? Bo jesi ni, to na Głymboki pod nomerym trzicet osim poradzi sie tego wszeckigo wywiedzieć, a jak eszcze zozdrzi tam przez auslage to uwidzi wszelijakóm babskóm i chłopskóm oblyczke, kiero isto tak sie mianuje. We dwiyrzach dalij, kiery mo na zbyciu kapke piniyndzy, może se kupić cosi świycóncego ze strzybra abo ze złota, a ku tymu godzinki na rynke. Szporobliwe paniczki poradzóm se tam u nich kupić oryngle, abo piekny pierściónek s modrym łoczkym, a ku tymu możne aji jakisi piekny lańcuszek na swój kark. Zaroz wedla na ścianie przyszrubowano je gablotka z fotkami rozmajtych chałup do przedanio, isto skyrs tego, że jak gdo mo pinióndze na wieca ze złota to na chałupe na zicher też bydzie mioł. Co napisać o jakimsi " Cropp Town" to dzisio uż naprowde nie wiym, bo ani to na nasze nie idzie przełożyć, a wychledać w Google sie mi nie podarziło. Na szybach piyrszej s kraja auslagi namalowano tam je czyrwiónóm farbóm znaczka procyntów, a na drugi je też czyrwióno wielko rozmazano pińdziesióntka.

Mini słownik:
nóndzie-znajdzie,
poradzi-potrafi,
zachycili-załapali,
kszeft-sklep,
gdosi-ktoś,
zozdrzi-zobaczy,
auslaga-wystawa,
oblyczka-odzież,
godzinki-zegarek,
przyszrubowano-przykręcona,
wychledać-wyszukać,
podarziło-udało,

Tóż miyjcie sie wszedcy dobrze i wiesiołego popióntku

Komentarze: (0)    Zobacz opinię czytelników (0)    Dodaj opinie
Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

Dodaj komentarz

Zawartość pola nie będzie udostępniana publicznie.
  • Adresy internetowe są automatycznie zamieniane w odnośniki, które można kliknąć.
  • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
  • Znaki końca linii i akapitu dodawane są automatycznie.

Więcej informacji na temat formatowania

Image CAPTCHA
Wpisz znaki widoczne na obrazku.
reklama
reklama