CO TYDZIYŃ PO NASZYMU: Masne fleki na kabocie idzie stracić yno ciepłóm wodóm s prószkym ...pinióndze na borg...  ...w kierym kiejsi tustelocy pucowali... być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" Dzisio żech eszcze roz sie przizdrził dwiyrzóm w tej chałupie s nomerym dziewiyńć na Starym Targu, wedla kierych na ścianie wisi tabulka s informacyjóm ło biurze dlo starek i starzków. Nie wiym czy to kiery tak nasfol im tam doł tyn kwartyr wedla dwóch kszeftow s babskóm oblyczkóm, bo możne isto se wyszpekulyrowoł, że każdo starka kiero tam przidzie niecho też kapke swoji pyndzyji w tych kszeftach. To je tak samo jako róbióm insze kszefty s bómbónami i czekuadóm, kierej je pełno wedla kasy, coby dziecka łod fotrów pinióndze na to wychciały. Kónsek dalij namowiajóm nas na pojczani se piniyndzy w kszefc, kiery uż ani bankym sie nie nazywo. A przełożóne to jejich miano s francuskigo na nasze znaczy, że dajóm tam pinióndze na borg. Jo tu czegosi nie rozumiym i nie wiym jako to je, że to pojczowani piniyndzy je ważniejsze łod szporowanio i skąd ty wszecki banki na to fórt bieróm pinióndze. Coby kapke oddychnóć łod tych piniyndzy, kiere na każdym winklu nóm wciskajóm, to bydymy musieli przechopnóć na drugóm stróne cesty i podziwać sie na kszeft w kierym kiejsi tustelocy pucowali swoji ancugi, kaboty, spodki, szaty i rozmajte insze jakle. Taki mómy dzisio czasy, że łacniejsze je wyciepani zmazanej oblyczki do zieleźnej kiśni pod blokym i nie zawracani se czepani pucowanim masnych fleków na nogawicach swojich galot. Kiejsi tustelocy prali, pucowali i biglowali swoji ancugi i szaty tak dłógo aż sie potargały.Dzisio rozmajte paniczki, kiere roz przeszpacyrujóm sie w nowych szatach, zaroz bieróm sie do ich wyciepanio skyrs tego, że kamratka mo taki same. Mini słownik: Tóż miyjcie sie wszedcy dobrze i wiesiołego popióntku
|
reklama
|
|||||||||||||||
|
Jaki to je masny flek?
Dodaj komentarz