, poniedziałek 27 maja 2019
CO TYDZIYŃ PO NASZYMU: Kómu to zawadzało, coby GS-y pozawiyrać.
”...skupuje rozmajte zieleźne ździorba...” fot: fot.FJD



Dodaj do Facebook

CO TYDZIYŃ PO NASZYMU: Kómu to zawadzało, coby GS-y pozawiyrać.

F.J DRAL
CO TYDZIYŃ PO NASZYMU: Kómu to zawadzało, coby GS-y pozawiyrać.

”...skuplowane do siebie dwie chałupy...”


CO TYDZIYŃ PO NASZYMU: Kómu to zawadzało, coby GS-y pozawiyrać.

”...stojóm trzi chwolidła"

"Gdo sie za swój jynzyk wstydzi takim niech sie każdy brzidzi".

SZPACYRKYM PO CIESZYNIE

"Moja ty słodko cieszyńsko mowo
być zawsze do prawjynio gotowo
a jak cie uż żodyn nie bydzie rozumioł
to jyny wiater bydzie po naszymu szumioł"

POZÓR! Kiery nimo chynci tego czytać, abo kansi wraził łokulory, abo mo moc roboty i łoczy go bolóm to se może tego posłóchać jak prziciśnie ”kursywom” na tóm czornóm szczałke w tej szarej kostce, kierom nóndzie zaroz pod spodkym.


ROZMAJTE WIECA

Kiejsi co starzi ludzie eszce isto pamiyntajóm na Mnisztwo jeździło sie do GS-u po rozmajte wieca, kierych nie było we sklepach PSS-u. Dzisio sie to wszecko poprzewracało, bo państwo uż nimo we starości, coby w magazynach na Mnisztwie szło se kupić wóngiel, drzewo, wopno i eszcze inksze róndajzy przidajne przi chałupie. Też tymu wszecki tam poniechane chałupy, baraki, szopy i place obsiadły rozmajte prywatne kszefty. Piyrszy s kraja skupuje rozmajte zieleźne ździorba, a drugi wedla niego na tym samym placu przeduje wszelijaki maszyny przydajne do łoranio, siocio i sadzynio w polu. Jak pokroczymy kapke dalij to uwidzymy skuplowane do siebie dwie chałupy w kierych jedni robióm kszeft s komputerami, a drudzy s nejtańszym jedzynim. Łoba jak wszecki inksze kszefty w Cieszynie przepómniały na szyldzie wedla tej angielszczyny, napisać cosi po naszymu /po polsku/ s czym tak naprowde kszefcóm. Możne, że to je robióne naswol, coby do nich zozdrzić i dziepro jak bydymy w postrzodku to nóm postawióm przed łoczami wieca, kiere by chcieli nóm pociś. Kapke dalij na krziżowatce s ulicóm Spółdzielczóm stojóm trzi chwolidła, kiere kierujóm nas eszcze do inkszych kszeftów. Jedni przedujóm kuchynie, drudzy majóm składy, ale nie piszóm s czym, a ci łostatni robióm jakisi zbrojynia. Tegoch nie wiedzioł, że u nas w Cieszynie kierysi oprócz pana Jurka Wałgi ze Starego Targu, kiery robi stare gwery produkuje też inksze uzbrojyni. Prziszła łostatnio moda na zakłodani na dziedzinach i w miastach gwardii narodowej, to tustelocy bydóm uż mieć gwery i inksze uzbrojyni na pozoryńdziu.

Mini słownik:

  • kiejsi - kiedyś,
  • wieca - rzeczy,
  • we starości - na uwadze,
  • róndajzy - urzdenia,
  • kszeft - interes,
  • ździorba - graty,
  • kapke - trochę,
  • wedla - obok,
  • pociś - opchnąć,
  • gwer - karabin,
  • na pozoryndziu - pod ręką.
  • Miyjcie sie wszedcy dobrze i wiesiołego popióntku!

    Dzisiejszy tekst ma tytuł ”Rozmajte wieca".

    Komentarze: (2)    Zobacz opinię czytelników (0)    Dodaj opinie
    Redakcja nie ponosi odpowiedzialności za treść komentarzy pozostawionych przez internautów. Komentarz dodany przez zarejestrowanego użytkownika pojawi się na stronie natychmiast po dodaniu. Anonimowy komentarz zostanie opublikowany z opóźnieniem, po jego akceptacji przez redakcję. Komentarze niezgodne z regulaminem będą usuwane.

    Widzisz . Jednak kolega "efg" ma tu racje, bo z tym pzoryndzim tak samo bywo. u nas w domu mówili (rzondzili) : mom cosik na podoryndziu, bardziej tak polsku. Dużo tej naszej rzeczy zapomniałem, ale jak czytam te felietony , to wszystko sobie przypominam. Wielkie dzięki dla Autora.

    Widzisz . Jednak kolega "efg" ma tu racje, bo z tym pzoryndzim tak samo bywo. u nas w domu mówili (rzondzili) : mom cosik na podoryndziu, bardziej tak polsku. Dużo tej naszej rzeczy zapomniałem, ale jak czytam te felietony , to wszystko sobie przypominam. Wielkie dzięki dla Autora.

    Dodaj komentarz

    Zawartość pola nie będzie udostępniana publicznie.
    • Adresy internetowe są automatycznie zamieniane w odnośniki, które można kliknąć.
    • Dozwolone znaczniki HTML: <em> <strong> <cite> <code> <ul> <ol> <li> <dl> <dt> <dd>
    • Znaki końca linii i akapitu dodawane są automatycznie.

    Więcej informacji na temat formatowania

    Image CAPTCHA
    Wpisz znaki widoczne na obrazku.
    reklama
    reklama