CO TYDZIYŃ PO NASZYMU: kiejsi znómości chytało sie aji przi stociu za miynsym ...to pynto drótów...  ...macherzi łod rzemiosła... być zawsze do prawjynio gotowo a jak cie uż żodyn nie bydzie rozumioł to jyny wiater bydzie po naszymu szumioł" To pynto drótw jak szpeciło te chałupe kiero stoji we winklu Starego Targu tak szpeci dalij, bo żodyn nie prziszeł na to, coby to ustrzignóć. Możne, że ty dróty uż nikaj nie kludzóm i dobrze było by ku wieczoru pajtnóć to takimi dłógimi nożycami do łobcinanio chrostów i dziwać sie kaj u kogo eszcze rożnióne je światło. Nikiedy tak to je, że lepszyj żodnego sie nie pytać i po cimoku samymu zrobić porzóndek ze ździorbami kiere szpecóm. Za tym kszeftym s bótkami je też drugi kszeft, isto dlo tych co potrzebujóm rozruszać se kości na staroś. Bo przedstowcie se, że jak gdo uwidzi bótki w jednym kszefcie, a spozdrzi, że wedla je drugi kszeft też s botkami to zaroz poleci obadać czy u nich nie dostanie bótków łacniejszych. Za socjalizmu nigdy tak nie było, coby dwa kszefty wedla siebie to samo przedowały, tóż też tymu tustelocy nie byli tak wygimnastykowani jako sóm dzisio, ale za to mieli chrubsze nogi w kostkach, łot stocio w kolejkach po bótki. Brało sie jaki prziszły, a po tym nieskorzij miyndzy sobóm ludzie to wekslowali. Spóminóm se, że był aji taki czas, że botki były na kartki, a w nikierych werkach przedowali ty skórzane dobroci urzyndnicy po biurach. U wyrchu w tej chałupie znaszli se swoji biura rozmajci macherzi łod rzymiosla, bo kiejsi, coby odewrzić jakisi kszeft, abo warsztat trzeja było mieć czeladnicze, abo majsterski papióry. Dzisio isto uż tego nie trzeja, ale ty urzyndniki co tam siedzóm eszcze isto na to nie prziszli. Dzisio aptyke może odewrzić yny tyn, kiery sztudyrowoł farmacyje, ale taki przeca ni mo piniyndzy i kszeftu nie zrobi, chyba że mo bogatych łojców, abo przibuznych. Mini słownik: Tóż miyjcie sie wszedcy dobrze i wiesiołego popióntku.
|
reklama
|
|||||||||||||||
|
Dodaj komentarz